గురువే దైవము గురువే యేలిక / GURUVE DAIVAMU / SSS - 17/ MOHAN KUMAR / BAGESRI RAGAM /

Sri Sankara Jayanti and sri Ramanuja Jayanti greetings to all ! 🍃🌺🍃🌺🍃🌺🍃🌺🍃🌺 Sangeeta Sahitya Samalankritam - 17 కీర్తన :-- // గురువే దైవము గురువే యేలిక // చందోరీతి -- మధురగతి రగడ స్వరపరచి గానము చేసిన వారు – శ్రీ మోహన్ కుమార్ గారు రాగము – బాగెశ్రీ ఆది తాళము 🌺🍃🌺🍃🌺🍃🌺🍃🌺🍃🌺 ప్రార్థన :-- గురుపాదాశ్రయమొక్కటె సరవిన దైవమును జూపి జడమును బాపున్! గురిగా నమ్మవె మనసా , గురువాత్సల్యంబె యిలన కోరినవిచ్చున్ !! కంద పద్యము -- వేణుగోపాల్ యెల్లేపెద్ది 🌹🌹 గురువే దైవము గురువే యేలిక గురువును నమ్మితి గురిగా నేనిక // గురువే దైవము … // ఘనమగు కోర్కెల మునుగను నేనిక ధనముకు నహముకు దాసును గానిక పాదై గురుకృపె పరమము నాకిక మోదమునొందుచు మురియుదు నేనిక // గురువే దైవము .. // శరణాగతియే సాధన నాకిక గురుచరణములే గొడుగై నాకిక జననమరణముల జాలము వలదిక పనిగొని గురువుల ప్రార్ధనె చాలిక // గురువే దైవము .. // గురువే హృదిలో గుదిగొని యుండగ పరిపరి రీతుల పరుగులు దండగ గురువే యుండగ కొరతలు లేవిక గురుబోధనలే గుణములు నాకిక // గురువే దైవము ..// ✍️ -- వేణుగోపాల్ యెల్లేపెద్ది🙏 🌹🌹 గురువును ఆశ్రయించగా ఇక నాకు భయమెందుకు ! ఆయనే పరమాత్మను , పరమమును చూపించు బాధ్యత వహిస్తాడు ! 🌹🌹