Ырғыз-Торғай табиғи резерватында киіктердің төлдеуіне байланысты қарауыл күшейтілді

Ырғыз-Торғай табиғи резерватында қарауыл күшейтілді. Осы күндері киіктер төлдеп, құралай бауырын көтеруде. Осыған орай бөкендердің Бетақдала популяциясын бағатын барлық инспектор атқа қонған. Елімізде «Браконьер» жедел алдын алу іс-шарасы өтіп жатыр. Бұл – киіктердің төлдеу кезіндегі тыныштығына бағытталған амалдың бірі. Мамыр айының орта тұсына келетін маусымда жануарлар төлінің белі қатып, тобына қосылғанша инспекторлар дала шарлайды. Ақбөкен санын есептеп, жайлау-қостарын белгілеп жүреді. Бұл құралай шамамен бүгін таңертең дүниеге келген. Белі қата қоймапты және аяғына нық тұра алмайды. Анасы осы жерге тастап кеткенімен, бір-екі сағаттан соң әл жинап келгеннен кейін қайтып келіп, соңына ертіп кетеді. Ырғыз ауданына шамамен 10 мың бастан астам жануар жиналған. Әрбір аналық киік орташа есеппен егіз құралайды дүниеге әкелетін ескерсек, келер жылы олардың саны әлдеқайда артуы тиіс. Бастысы 2015 жылғы қырғын қайтып келмесе болғаны. Подписывайтесь на «Хабар 24»:    / tv24kz   Наш сайт - https://24.kz Facebook -   / tvkhabar24   Instagram -   / tvkhabar24   Telegram - https://t.me/tvkhabar24 Twitter -   / tvkhabar24   Vkontakte - https://vk.com/tvkhabar24