Tv Klan - Balla: Rrisim sërish pagat për policinë në 2024

#taulantballa #paga #polici Buxheti i vitit 2024 parashikon një tjetër rritje pagash për punonjësit e Policisë së Shtetit. Lajmin e dha ministri i Brendshëm, Taulant Balla gjatë prezantimit të paketës ligjore për rritjen e sigurisë. “Buxheti i ri i vitit 2024, do të na japi mundësinë të bëjmë një rritje të konsiderueshme të pagave në Policinë e Shtetit dhe po ashtu në fund të këtij viti apo gjatë vitit të ardhshëm, i japim një zgjidhje përfundimtare pagesës së munguar të ushqimit për çdo punonjës policie, edhe pse ligji ua ka dhënë prej shumë vitesh”. Ministri u ndal dhe tek siguria e turistëve, që sipas tij këtë vit certifikoi vendin tonë si një destinacion të sigurt turistik. “Sot mund ta themi me kokën lart edhe me krenari se Shqipërisë ju pastrua përfundimisht njëherë e mirë imazhi i nxirrë nga një e shkuar e rëndë shumë vjeçare. Siguria e turistëve këtë sezon turistik ishte historik, ishte një test shumë i rëndësishëm i cili e certifikoi vendin tonë si një destinacion i sigurt turistik”. Pavarësisht rezultateve të arritura përgjatë vitit 2023, Balla tha se lufta kundër krimit të organizuar dhe përmirësimi i sigurisë publike mbeten prioritet kryesore. E për t’i bërë më efektive ato, ministri çmoi bashkëpunimin me SPAK dhe prokuroritë e rretheve për goditjen e grupeve kriminale apo individëve të përfshirë në ngjarje të rënda, si vrasje apo trafiqe e pastrime parash. SUBSCRIBE to “RTV KLAN” on YouTube for more videos! Email: [email protected] Për më shumë informacione vizitoni faqen tonë web https://tvklan.al/ Videot e fundit nga Tv Klan i gjeni në faqen https://tvklan.al/video/ Follow Tvklan on Facebook:   / tvklan   Follow Tvklan on Instagram:   / rtvklan   Programet e Tv Klan mund t’i ndiqni edhe në faqen https://tvklan.al/programe/