Gjyqi i priftit te vrare ne Durres, deshmia e nenes se vrasesit - (24 Prill 2002)

Lajme Arkiva - TV Klan 2002 Nëna e 17 vjeçarit të akuzuar si vrasës i priftit italian, 7 muaj më parë në Durrës, dëshmoi sot në gjyq. Sanie Krasniqi tha, se i biri nuk i kishte treguar se ishte autor i vrasjes. Ajo e kishte dërguar dy ditë pas kësaj ngjarje në Kukës, për punë personale dhe jo për ta fshehur nga policia. Nëna e të akuzuarit për vrasje me paramendim, përshkroi çastet, kur kishte hyrë në banesën e priftit 69 vjeçar Etore Kuniali, ku ajo punonte si shërbyese. Aty kishte gjetur trupin e viktimës të masakruar me thikë. Pas kësaj ajo lajmëroi policinë. Dëshmitarja, të cilin i biri dhe i akuzuari tjetër për këtë ngjarje, Skënder Hasku, e kanë dëgjuar pas hekurave, tregoi se ishte ky i fundit, që e kishte nxitur 17 vjeçarin të bënte krimin. Në seancën e sotme dëshmuan edhe katër persona të tjerë. Ndërkohë gjykata ende nuk i ka dhënë përgjigje kërkesës së të pandehurit Fazlli Krasniqi, për gjykim të shkurtuar, pasi e ka pranuar vrasjen, si dhe kërkesën e të pandehurit 54 vjeçar Skënder Hasku. Ai kërkon ndryshimin e akuzës, nga vrasje me paramendim, në fshehje të krimit./tvklan.al SUBSCRIBE to “RTV KLAN” on YouTube for more videos! Për më shumë informacione vizitoni faqen tonë web https://tvklan.al/ Videot e fundit nga Tv Klan i gjeni në faqen https://tvklan.al/video/ Follow Tvklan on Facebook:   / tvklan   Follow Tvklan on Instagram:   / rtvklan   Programet e Tv Klan mund t’i ndiqni edhe në faqen https://tvklan.al/programe/