June Hot Takes

Welcome back sa aming 41st episode! Dahil last Sunday of June ngayon, nagbabalik ang aming monthly segment na Flaming Hot Cheeks kung saan maglalabas kami ng mga reklamo sa buhay at magbabahagi ng aming unpopular opinions. Sa episode na ito, pinag-usapan namin kung bakit dapat i-normalize ang pagsasabi ng "I love you" sa pamilya at platonic friends nang walang special occasion, ang panawagan na i-standardize ang height ng tricycle sidecars sa Parañaque, at kung bakit dry adobo dapat ang laging luto dahil nakakainis ang adobo na sobrang daming tubig. Tinalakay din namin na hindi biro o kasing-glamorous ng iniisip ng iba ang maging sarili mong boss sa freelancing kung wala kang disiplina, kaya mas okay pa ring yakapin ang 9-to-5 job. Huwag natin itong i-villainize dahil ang day job natin ang enabler at nagfu-fund ng ating mga passion, iced coffee, at hobbies sa buhay—kaya kalimutan na ang work-life balance at lumipat na tayo sa "work-life integration"! Bago kami mag-time up, binuat din namin ang ideya na i-integrate na lang ang self-defense sa PE class imbis na magluto ng puto para magkaroon ng basic survival skill ang mga kabataan. Kung umabot ka sa puntong ito, i-comment na ang hashtag na #WorkLifeIntegration! Don’t forget to like, comment, share, and subscribe, guys! See you next month para sa panibagong pag-iipon ng angst at kulitan!