Mən şəhidəm, ölməmişəm / Nurəddin Mehdixanlı /Elvin Elxanoğlu

MƏN ŞƏHİDƏM, ÖLMƏMİŞƏM Müəllif :Elvin Elxanoğlu Səsləndirdi: Respublikanın xalq artisti Nurəddin Mehdixanlı Mən şəhidəm, ölməmişəm - Şəhidlər ölməzdi axı, Ölməmişəm, yaşayıram... Dönüb vətən torpağına Torpağıma qarışmışam. Sarılaraq bayrağıma Bayrağıma qarışmışam. Mən şəhidəm, ölməmişəm - Külək olub qarışmışam Vətənimin havasına... Cismim köçüb bu həyatdan, Ruhum hər an sizinlədi. Kim ki məni arzulayır, Şirin bir xəyala dönüb Tez gəlirəm yuxusuna. Mən şəhidəm, ölməmişəm - Şeirlərdə, qəzəllərdə, yaşayıram, Rəsmlərdə, filmlərdə, əsərlərdə yaşayıram... Xalqımın qəhrəmanıyam: Heç zaman unudulmuram, Könüllərdə yaşayıram. Mən şəhidəm, ölməmişəm - Qarabağın dağlarında Çiçək olub açıram mən... Mən şəhidəm, ölməmişəm - Günəş kimi Vətənimin sabahına Parlaq işıq saçıram mən. Mən şəhidəm, ölməmişəm - Şəhidliyə ucalmışam, Yerim cənnət... Nə olsun ki, cismim köçüb bu dünyadan? Nə qədər ki var bu millət, Nə qədər ki var bu dövlət, Demək, unudulmayacam. Mən hər zaman yaşayacam! ======================= Etiketlər : Anım günü üçün şeir 27 sentyabr Anım Günü Şəhidlərə aid şeirlər #anımgünü