🚨 ADO SHAIBU AILIPUA SERIKALI BUNGENI “JESHI LA POLISI LINATESA RAIA, LINAHITAJI MAGEUZI MAKUBWA!”.

“JESHI LA POLISI LINATESA RAIA, LINAHITAJI MAGEUZI”-ADO SHAIBU Mbunge wa Tunduru Kaskazini Ado Shaibu Ado amesema kuwa kutokana na taarifa ya Tume ya Haki Jinai iliyoweka bayana kuwepo kwa malalamiko ya wananchi dhidi ya Jeshi hilo hasa vitendo vya matumizi ya nguvu kubwa wakati wa ukamataji, kutesa watuhumiwa na kubambikia watu kesi, Jeshi hilo linahitaji mageuzi makubwa ya kimatunzo, kimuundo na kisheria ili liondoke kuwa chombo cha mabavu (police force) kwenda kwenye chombo cha huduma za kipolisi (police service). Ado ametoa kauli hiyo ndani ya Bunge la Jamhuri ya Muungano wa Tanzania leo tarehe 1 Juni 2026 akiuliza maswali ya ngongeza kwenye swali lake la msingi lililotaka kujua mkakati wa serikali katika kutekeleza mapendekezo ya Tume ya Haki Jinai. Akijibu maswali ya Mheshimiwa Ado, Naibu Waziri wa Wizara ya Katiba na Sheria Mheshimiwa Zainab Katimba alisema kwamba Serikali imeweka mfumo wa kusimamia utekelezaji wa mapendekezo yote ya Tume ya Haki Jinai. Kwa upande wa mabadiliko ya sheria, Mheshimiwa Katimba alisema kuwa baadhi ya sheria zitaboreshwa kupitia Bunge la Mwezi Septemba 2026. Kwa upande wake, Waziri wa Mambo ya Ndani Mh. Patrobas Katambi ameliambia Bunge kuwa mbali na sheria, Serikali pia itahakikisha kuwa Tanzania inapata Katiba Mpya ambayo amesema ilikwama kutokana na wapinzani kutoka kwenye Bunge la Katiba.