Pratos Combinados 106 - "Pasou un anxo" (05.04.2000)

A próxima fin de semana todos teñen os seus plans, empezando por Miro que prentende participar nun concurso de pesca. Pola súa parte, Mónica, a nova axudante do bar, desexa asistir (convidada por Paspallás), a un concerto que promete ser a "movida" do ano. Pero alguén terá que axudar a Balbina a atender o bar. Por si foran poucos os problemas, Antón sofre un ataque de celos e cre ver algo estaño entre a súa noiva, Charo, e Pedro Barreiro, o novo veciño avogado. Nesto, aparecerá un home simpático e conciliador que utiliza o bar para falar cos clientes do seu pequeno negocio, e que resultará un eficaz mediador nas disputas que se desatan no bar. Todo parece conducir cara un final feliz, pero hai algo escuro nese inesperado mediador...