《緬甸堂》EP 48｜劉浩龍：師兄！掉哪媽 頂硬上｜筆華棋｜SpotiTalk

今集《緬甸堂》請到「師兄」劉浩龍！ 大眾眼中帶點距離感、甚至覺得佢「串」嘅劉浩龍，原來背後有個令人啼笑皆非嘅原因。自小讀男校嘅佢，笑言男校仔慣咗「鳩鳩哋」加上天生記性差，試過見十幾次都唔認得人！ 唔單止社交被誤解，連佢嘅感情生活都經常被外界揣測。 雖然常被追問「點會冇女仔」，但係單身七年嘅佢，其實極之享受去街市買餸煮飯嘅獨處時光，過得非常自在。 今集我哋由佢入行講起，由當年儲錢買飛睇紅館，到入行後有幸去到偶像梅艷芳屋企，親眼見識並行過那條傳說中嘅樓梯。再講到樂壇兄弟情，披露當年同陳奕迅嘅相識經過；再分享近年由藝人轉向幕後做老闆面對嘅挑戰，同埋準備帶住經典作品同演唱會，同所有歌迷「永結同心」嘅期望。 聽完呢集《緬甸堂》，你會發現係人哋眼中好串嘅劉浩龍，其實真係「鳩鳩哋」。