Si të kuptoni nëse fëmija juaj është përdorues i lëndëve narkotike, shenjat...

Toksikologia Suela Xhufi, e ftuar në emisionin “Aldo Morning Show” në TV Klan, hodhi dritë mbi një problem që prek gjithnjë e më shumë familjet shqiptare. Ajo paralajmëron se ndryshimet e vogla në sjelljen e fëmijëve mund të jenë shenja të hershme të përdorimit të drogës. Një fëmijë që është përdorues kuptohet shumë kollaj që në gjashtëmujorin e parë, sepse i ndryshon vëmendja dhe emocionet. Dobësimi i rezultateve shkollore, pagjumësia e theksuar, humbja e higjienës dhe ndryshimet të dukshme tek sytë, veçanërisht në rastet e përdorimit të heroinës, janë gjithashtu  tregues që nuk duhet injoruar. Aldo: Shpesh prindërit nuk e kuptojnë, kur fëmija i tyre ka hyrë në këtë treg përdorimi të drogave, ose e marrin vesh shumë vonë. Çfarë shenjash duhet që të vëzhgojnë? Suela Xhufi: Unë e kam thënë shpesh herë që familja sot në Shqipëri, fatkeqësisht nuk e ka më atë forcë që ka pasur dikur. Nuk e ka vëmendjen. Është shumë i shpërqendruar prindi, ndoshta nga punët, e ndoshta nga sistemi ekonomik. Një fëmijë që është përdorues kuptohet shumë kollaj që në 6 mujorëshin e parë, sepse atij i ndryshon vëmendja ndaj gjërave që ka pasur më parë. Kemi një ndryshim emocional. Zakonisht droga prek pikërisht emocionet, sidomos në fazat e para. Nëse ti ke një fenomen negativ dhe duhet të reagosh ndaj këtij fenomeni, kur ti përdor drogë e merr si diçka normale. Që këtu duket që prindit, duhet t’i ngrihet alarmi. Bien nga mësimet, dobësohen, kanë pagjumësi të theksuar madje, humbet higjiena. Mund të shikojmë tek sytë sidomos në rastet e përdorimit të heroinës, pacientët kanë një pupilë të zvogëluar gati si pikë, ën momentet që ai sapo e ka marrë drogën. Dielli lind ndryshe në Tv Klan, në 7 pa 1 minutë! Të lodhur apo të palodhur nga gjumi i natës, nga e djeshmja me halle e strese, “Aldo Morning Show”, ju fton të zgjohemi me buzëqeshje, me qeshje, me nënqeshje, dhe më kryesorja… me një adrenalinë të paparë për ta nisur mbarë ditën. Çdo mëngjes me Aldon. Për më shumë informacione vizitoni faqen tonë web https://tvklan.al/ Videot e fundit nga Tv Klan i gjeni në faqen https://tvklan.al/video/ Follow Tvklan on Facebook:   / tvklan   Follow rtvklan on Instagram:   / rtvklan   Programet e Tv Klan mund t’i ndiqni edhe në faqen https://tvklan.al/programe/ #AldoMorningShow #AldonLipe #TVKlan