Орны белгіленіп, құрылысы жоспарланған мектептің жері аяқ асты сатылып кеткен

Алматы облысында мектепке деп бөлінген жер сатылып кеткен. Осының кесірінен балалар әлі күнге дейін үш ауысыммен оқуға мәжбүр. Білім ордасының қашықта орналасқанын айтқан ата-аналар, балалардың жолына ай сайын қыруар шығын жұмсаймыз деп отыр. Қордаланған мәселені көтеріп жиналған жұртпен тілшіміз тілдесіп қайтты. Мектеп тапшылығы Казцик ауылының тұрғындарын әбден әбігерге салды. 26 мың тұрғыны бар мекенге үш білім ұясы аздық етеді дейді халық. Оның үстіне оқушылардың үш ауысыммен оқып жатқанын да көпшілік құп көрмейді. Бұдан бөлек алыстағы мектепке жету де қиын екен. Балаларын сабаққа апару үшін арнайы көлік жалдайтын ата-аналар, айына бір балаға жиырма мың теңге төлейміз дейді. Мұндай жағдайдан әбден мезі болған қараша жаңа мектеп салып беруін талап етіп отыр. ГҮЛБАНУ ШАКИМАЛОВА, Тұрғын: – Тұрғындардың сөзіне сүйенсек, жаңа мектептің жобасы 2017 жылы жоспарланып қойған. Соған сәйкес жер телімі де белгіленіпті. Алайда 2020 жылы білім ошағы бой көтеруі тиіс аумақ түгелімен жекеменшіктің қолына сатылып кеткен. Енді атқамінерлер жаңадан салынған стадион мен былтыр отырғызылған ағаштарды толық сүріп мектеп салуды жоспарлап отыр дейді. Бірақ, көпшілік бұл шешімге наразы. АРАЛ ЕШМАХАНОВ, тұрғын: – Мына жерге мектеп салынбасын. Қаншама нәрсе тұр. Міне высоковольт тұр, міне стадион тұр, міне былтыр ғана егілген талдар тұр. Соның бәрін түсіріп осы жерге мектеп саламыз деп тұр. Біз оған қарсымыз. Айтылған орынға мектеп салынсын. Ол бір жыл бола ма, екі жыл бола ма, үш жыл бола ма документін дайындасын. Біз ешкімнен тартып ал деп жатқан жоқпыз. Бәрі заң жүзінде жасалсын. Халықтың жиналғанын естіген әкім де бірден төбе көрсетті. Бір емес екі мектеп салуды жоспаралып отырмыз деген басшы, қазір жекенің қолында кеткен жерді қайтарудың амалын жасап жатырмыз дейді. БАУЫРЖАН ЖҰМАБАЕВ, Қазцик ауылдық округінің әкімі: – Ең бірінші процедуралардың бірі ПДП-ға кіргізу. ПДП-ға кіргізгеннен кейін жеке меншіктегі жер телімінің иесі біз қойған бағаға келіспесе, мемлекеттің берілген бағасына, онда біз сот процедуралары арқылы мемлекеттің тарапына жерді қайтарып алуға кірісеміз. Стадион жақтағы мектептің құрылысы бәрібір басталады. Өйткені тек қана Жаңақұрылыс аумағында емес, ол жақта да біздің 27 саяжайымыз бар. Сатылып кеткен 15 гектар жердің үш гектарын мемлекетке қайтаруды көздеп отырған жергілікті әкімдік өкілдері жұмыстар жүргізіліп жатыр дейді. Ал, алдағы 3-4 жылдың көлемінде жаңа білім ордасының құрылысы басталады деп сендірді. Бізді әлеуметтік желіде оқыңыздар: Youtube -   / @informburo31kanal   Facebook -   / informburo31   Instagram -   / informburo31   Vkontakte - https://vk.com/informburo31 TikTok - www.tiktok.com/@informburo31 WhatsApp Информбюро +7 777 331 31 31 #News #Kazakhstan #Жаңалықтар #Біздіңжаңалықтар #Нашиновости #Сегодня #Қазақстан #31канал