ઈન્ડિયન પાસપોર્ટ આટલો બધો નબળો!

2026ના ગ્લોબલ પાસપોર્ટ ઈન્ડેક્સમાં ઈન્ડિયન પાસપોર્ટનું રેન્કિંગ છેક 125મા ક્રમે પહોંચ્યું છે, ગયા વર્ષે પાસપોર્ટ રેન્કિંગમાં સામાન્ય સુધારો થયો હોવા છતાંય 2026માં તે વધુ નબળો પડ્યો છે. 2021થી 2023ના ગાળામાં ઈન્ડિયન પાસપોર્ટ 127મા ક્રમે રહ્યો હતો જ્યારે 2025માં તે સામાન્ય સુધરીને 124મા નંબરે પહોંચ્યો હતો. જોકે, 2026માં તે ફરી 125મા નંબરે આવી ગયો છે. પાસપોર્ટ જેમ-જેમ નબળો પડે તેમ તેના પર વિઝા ફ્રી એન્ટ્રી આપતા દેશોની સંખ્યા પણ ઘટી જાય છે. ઈન્ડિયન પાસપોર્ટની જ વાત કરીએ તો હાલ આપણા દેશના પાસપોર્ટ પર માત્ર 26 ઈન્ટરનેશનલ ડેસ્ટિનેશન્સ પર વિઝા ફ્રી એક્સેસ મળે છે અને આ દેશો પણ પાછા એવા છે કે જેમના કોઈએ ક્યારેય નામ પણ ના સાંભળ્યા હોય. હાલમાં જ ભારત સરકારે પાસપોર્ટને માત્ર ટ્રાવેલ ડોક્યુમેન્ટ ગણાવતા તેને સિટીઝનશિપના પ્રુફ તરીકે સ્વીકારવાનો પણ ઈનકાર કરી દીધો હતો.