Alagapuram, Kaliyamman Kovil Kumbabishekam 30.04.2026

அழகாபுரம் கிராமத்தில் காளியம்மன்,மாரியம்மன் திரௌபதியம்மன் உள்ளிட்ட ஆலயங்களுக்கு அஷ்டபந்தன மகா கும்பாபிஷேகம் – 3000 க்கும் மேற்பட்ட பக்தர்கள் தரிசனம். அரியலூர் மாவட்டம் ஆண்டிமடம் அருகே உள்ள அழகாபுரம் கிராமம் தெற்கு தெருவில் காளியம்மன், மாரியம்மன், திரௌபதியம்மன் பழமை வாய்ந்த கோவில் உள்ளது. இக்கோவிலை புதுப்பித்து கும்பாபிஷேகம் செய்வதாக ஊர் நாட்டான்மைகள்,பொது மக்களால் முடிவு செய்யப்பட்டு கோவிலை புதுப்பிக்கும் பணி தீவிரமாக நடைபெற்று வந்தது. கோவில் கோபுரம் மற்றும் சிற்பங்களுக்கு வர்ணம் தீட்டுபணி முடிந்து கும்பாபிஷேகத்திற்கு நாள் குறிக்கப்பட்டது. கும்பாபிஷேக பணி தொடங்கி பந்த கால் நடப்பட்டு மாவிலை தோரணம், வாழைமரம் கட்டப்பட்டு கோவில் கோபுரம் மற்றும் சிற்பங்களுக்கு கலர் மின்விளக்கு அலங்காரம் செய்யப்பட்டிருந்தது. 28.04.26 செவ்வாய்க்கிழமை பூர்வாங்க பூஜை, மகா கணபதி, நவக்கிர ஹோமங்கள், முதலாம் கால யாக சாலை பூஜை நடைபெற்று பூர்ணாகுதி தீபாரதனை காண்பிக்கப்பட்டது. 29.04.26 இரண்டாம் கால யாகவேள்ளி ஆரம்பிக்கப்பட்டு மகா கணபதி ஹோமம், காளியம்மன், மாரியம்மன், திரௌபதி அம்மன், மஹாலக்ஷ்மி, தன்வந்திரி, காயத்திரி, மூல மந்திர கோமங்கள் நடைபெற்று தீபாராதனை காண்பிக்கப்பட்டது. 30.04.26 கும்பாபிஷேகத்தின் முக்கிய நிகழ்வான நான்காம் கால துவார பூஜை, வேதிகா பூஜை, சதுர்வேத பாராயணம் நான்காம் கால யாகவேள்ளி ஆரம்பித்து மகாதீபாரதனை காண்பிக்கப்பட்டது. தொடர்ந்து நாடி சந்தான ஹோமம், கண் திறப்பு, பெயர் சூட்டுதல் யாத்ராதானம் நடைபெற்று கடம் புறப்பாடு நடைபெற்றது காளியம்மன், மாரியம்மன், திரௌபதி அம்மன் கோவில் கோபுர கலசங்களுக்கு சிவாச்சாரியார்கள் வேத மந்திரங்கள் முழங்க புனித நீர் ஊற்றப்பட்டு மகாதீபாராதனை காண்பிக்கப்பட்டது. பக்தர்கள் ஓம் சக்தி, பராசக்தி கோஷங்கள் எழுப்பி பக்திப் பரவசத்தில் ஆழ்ந்தனர் பின்னர் மூலஸ்தான அம்பாளுக்கு கலசாபிஷேகம், பால் ,தயிர், இளநீர், பன்னீர், திரவியப்பொடி, மஞ்சள், அரிசி மாவு, தேன், பஞ்சாமிர்தம் போன்ற அபிஷேக பொருட்கள் கொண்டு சிறப்பு அபிஷேகம் நடைபெற்று மகாதீப ஆராதனை காண்பிக்கப்பட்டது. தொடர்ந்து பக்தர்களுக்கு அன்னதானம் வழங்கப்பட்டது. இந்நிகழ்ச்சியில் ஆண்டிமடம், அழகாபுரம், சிலம்பூர், சிலுவைச்சேரி, திராவிட நல்லூர், அகரம் மற்றும் அருகில் உள்ள கிராமங்களைச் சேர்ந்த திரளான பக்தர்கள் கலந்து கொண்டு சாமி தரிசனம் செய்தனர்.