'A Madonna di lu Capu

Il canto in dialetto crotonese ottocentesco ci racconta con la tipica spontaneità popolare la storia del quadro, che rappresenta forse l’icona più grande del mondo, alta circa 2 metri. Premi mostra altro per il testo: Adoramu ‘a Madonna di lu Capu mò c’ha venùtu di luntana via ed ha sbarcatu a nù Capu di Nau duvi tanti miraculi facìa e santu Luca cà si la sunnau inta la notta si la dipincìu tanti di li bellezzi chi cacciau ca santu Luca si ni mansupì i Turchi la pigghiaru e l’avvamparu e ppì grazia di Diu né s’accindia né s’accindia, né si maculiava c’era lu Spiritu Santu chi l’adurava u’ vecchiareddru si truva ‘a passare pocu devozione iddru ci ’avìa comu na pezza vecchia ammolicau dinta ‘na cascia vecchia la pusau dinta ‘na cascia tutta scuvirchiata duvi iddru ci manciava e ci durmiva u’vecchiareddru si cascau malatu tuttu freve e duluri si sentìa chiama lu santu patre e si cunfessa au santu patre ci l’ha rivelatu dintà ‘sta cascia vecchia c’è ‘na pezza tutta ‘na pezza e tutta anniricata ull’aiu arrubbatu, cà l’aiu truvata ammenzo ‘nu morzo ‘i terra affumicata ‘u santu patre ci lu rivilau chista è ‘ra gloriusa Vergini Maria chista è ‘ra gloriusa Vergini Maria è chira cà criàtu a tìa ed a mìa i cutrunisi ‘a piamu ’n pricissioni a purtamu ‘a ru Viscuvatu di Cutrone i cutrunisi facimu ‘a nuttata aria netta e chioviri facìa. E che bella nuttata ch’è chista ca nui aduramu la mamma de Cristu e che bella nuttata ch’è chista ca nui aduramu la mamma de Cristu. Ohi Maria, oh Maria, tu chi sai li peni mia tu chi sai li peni mia cunsulami ‘a casa Madonna mia. E che bello iorno ch’è chisto c ‘aduramu la mamma de Cristo e che bella iurnata ch’è chista c’aduramu la mamma de Cristo.