Top Channel/ Blerjet e fundvitit në Lezhë, Vlorë, Gjirokastër dhe Korçë/ Pak blerës, rritje çmimesh

Në të gjithë vendin sot është dita e fundit kur bëhen blerjet e festës. Blerësit në tregje po zgjedhin produktet që do shtrojnë në tryezën e natës së ndërrimit të viteve ndërsa vëzhgimet e gazetareve të Top Channel në disa qytete vënë re rritje çmimesh. Lezhë Qytetarë të shumtë lezhjanë i janë drejtuar tregut industrial për të bërë blerjet e natës së ndërrimit të viteve. Qytetarët në Lezhë shprehen se krahasuar me ditët para festave, ka një ndryshim të çmimeve, sidomos të fruta perimeve Vlorë Në një vëzhgim që bëmë në tregjet e qytetit të Vlorës, një ditë para fund vitit çmimet kanë pësuar rritje. Sipas tregtarëve çmimet kanë rritje kryesisht tek frutat që importohen të cilat shkojnë deri në 40-50 lekë për kg më shumë se në ditët normale. Përsa i përket frutave dhe zarzavateve të vendit ka një rritje deri në 20 lekë . Gjirokastër Tregu i shitjeve me pakicë ka një rënie të volumit të shitjeve këtë vit në Gjirokastër. Tregtarët e mishit dhe fruta-perimeve flasin për një reduktim të furnizimit të tregut për festat me gati 30% në raport me një vit më parë. Gjithashtu produktet kryesore të tryezës së festave kanë një rritje të çmimit me rreth 20%. Rritjen më të lartë e shënon mishi i të imëtave që shkon nga 1300-1400 lekë për kg. Frutat e stinës kanë një rritje të çmimit me 20%. Ndërsa volumi i blerjeve ka rënë në tregun e pakicës blerjet në supermarkete kanë një rritje të lehtë të volumit me 4-5%. Gjatë ditëve që i paraprijnë festës së ndërrimit të viteve më shumë qytetarë i kanë drejtuar tregut të shitjeve me shumicë për të realizuar blerje me çmim disi më të arsyeshëm. Volumi më i ulët i blerjeve u ndikua jo vetëm nga çmimet por edhe nga numri në rënie i emigrantëve që mbërritën për të festuar me familjet. Gjithashtu shihet edhe një tendencë e largimit nga rajoni për festat. Korçë Në markatën e Korçës ka pak blerës. Është kryesisht mosha e tretë që bën pazare, qytetarët reagojnë se nuk mund t’i blenë të gjitha ushqimet që u nevojiten për darkën e ndërrimit të viteve. Departamenti i Informacionit, më i madhi, më kryesori në Top Channel, i cili shënoi fillimin e televizionit me edicionin e lajmeve në 20 dhjetor 2001. Përmes informacioneve të shpejta, të sakta dhe të thelluara, reportazheve dhe rubrikave të tjera informative, Top Channel është kthyer në burimin kryesor dhe me prestigjioz të informimit të të gjithëve në Shqipëri, në hapësirën mbarëshqiptare dhe kudo tjetër në botë ku shqiptarët jetojnë. Top Channel është i pranishëm me kamerat dhe gazetarët e tij në të gjitha ngjarjet më të rëndësishme të vendit dhe në botë, me edicionet e tij informative. Për më shumë vizitoni: http://top-channel.tv/ Subscribe to "Top Channel" on YouTube Channel for NEWS and TV Shows HERE: http://bit.ly/2Y15KwK For more content from click HERE: www.top-channel.tv Like Top Channel on Facebook HERE: http://bit.ly/2FglWTs Follow Top Channel on Instagram HERE: http://bit.ly/2uaYG2U Follow Top Channel on Twitter HERE: http://bit.ly/2TJndeH #Lezhë#Vlore#TopChannelNews