MTOTO MBARONI KWA KUMUUA BABA YAKE MZAZI NA KUMFUKIA CHUMBANI

#HABARI: Jeshi la Polisi Kanda Maalum ya Dar es Salaam limethibitisha na kufichua tukio la mauaji ya Ramadhan Jafari (47), mkazi wa Mbezi Luguruni, ambaye awali aliripotiwa kupotea, taarifa zilizotolewa na ndugu zake mnamo Juni 16, 2026. Kwa mujibu wa taarifa iliyotolewa na Kamanda wa Polisi Kanda maalum ya Dar es Salaam SACP Jumanne Muliro,uchunguzi wa kina uliofanywa na Jeshi la Polisi ulibaini kuwa marehemu hakupotea, bali aliuawa na kuzikwa ndani ya chumba chake nyumbani kwake huku mtuhumiwa mkuu wa mauaji hayo akiwa ni mtoto wa marehemu mwenyewe, Juma Ramadhan (21). Hata hivyo, mtuhumiwa amekamatwa katika eneo la Msufini, Mkoa wa Pwani, na katika mahojiano amekiri kumuua baba yake na kumfukia ndani ya chumba hicho na Polisi wanaendelea na uchunguzi kubaini sababu hasa zilizompelekea kijana huyo kutenda ukatili huo. Jeshi la Polisi linatoa onyo kali kwa yeyote anayehusika na vitendo vya uhalifu, likisisitiza kuwa watakamatwa na kufikishwa mahakamani huku wananchi wakiombwa kuendelea kutoa ushirikiano ili kudumisha usalama katika jamii. Usisahau kutufuatilia katika mitandao yetu ; Subscribe to our Youtube Channel : http://bit.ly/itvtanzania Facebook : https://bit.ly/2KeQNl3 Twitter : https://bit.ly/2XG7aii Instagram : https://bit.ly/34KItmg