Nisen për në Shkollën e Trupës 317 rekrutë të rinj

317 fitues të testit për rekrutimet e reja në FA u nisën drejt Shkollës së Trupës në Bunavi. Për të përcjellë rekrutët e rinj, në ceremoni morën pjesë zëvendësministri i Mbrojtjes, z. Petro Koçi, shefi i Shtabit të Përgjithshëm, gjeneralmajor Jeronim Bazo, ushtarakë të lartë dhe familjarë të rekrutëve të rinj. Z. Koçi, ndër të tjera, në fjalën e tij përshëndetëse shprehu kënaqësinë që 22 prej rekrutëve të rinj janë me arsim të lartë. 317 fituesit, nga të cilët 22 janë vajza, do t’i nënshtrohen Stërvitjes Individuale Bazë 10-javore në Shkollën e Trupës në Bunavi, përpara se të titullohen ushtarë të Forcave të Armatosura.