🟥 51 වන ඓතිහාසික පොළොන්නරුව පොසොන් දළදා පෙරහැරට පුරාණ සම්ප්‍රදායක්වන කප් සිටුවීමේ මංගල්‍යය 2026

🟥 51 වන ඓතිහාසික පොළොන්නරුව පොසොන් දළදා පෙරහර ප්‍රමුඛ සප්ත මහා පෙරහැරට දේව ආශිර්වාද ලබා ගැනීම අරමුණු කරගනිමින් පුරාණ සම්ප්‍රදායක්වන කප් සිටුවීමේ මංගල්‍යය 5.40 යෙදුණු සුභ මොහොතින් අද ⁣( 27) පාන්දරින් පුරාණ පත්තිනි දේවාලයේදි සිදුකෙරිණි. මහා සංඝරත්නයේ සෙත් පිරිත් සජ්ඣායනා මධ්‍යයේ මෙම පුණ්‍යකර්මය ඉටු කෙරුණු අතර, ඒ සඳහා රාජ්‍ය නිලධාරීන් රැසක් සහභාගී වූහ. මෙම අවස්ථාවට පොළොන්නරුව දිස්ත්‍රික් ලේකම් සුජන්ත ඒකනායක මහතා සහ තමන්කඩුව ප්‍රාදේශීය ලේකම් ඉන්දික කරුණාරත්න මහතා ඇතුළු රාජ්‍ය නිළධාරින් හා ප්‍රදේශයේ සම්භාවනීය පිරිසක් එක්ව සිටියහ. මෙවර පවත්වනු ලබන පොළොන්නරුව දළදා පෙරහැර අලි ඇතුන්ගෙන් මෙන්ම, උඩරට සාම්ප්‍රදායික නර්තන අංග රැසකින් ද වර්ණවත් වන පරිදි සංවිධානය කර ඇති බව සංවිධාන කමිටුව සඳහන් කරයි. පොසොන් එකට හැමෝම පොළොන්නරුවට . POLONNARUWA POSON BLISS ජුනී 27- ජූලී 03