"TALONG-TALO ANG PROSECUTION!" —Atty. Manny Luna sa Takbo ng Impeachment Trial

Iginiit ni Atty. Manny Luna na hindi umano nagtagumpay ang prosecution na patunayan ang kanilang mga alegasyon sa unang mga araw ng impeachment trial. Ayon sa kanya, mula Day 1 hanggang Day 5 ng paglilitis ay puro pagkukulang at hindi magandang resulta umano ang nakuha ng panig ng prosecution dahil sa mga naging inconsistency sa testimonya ng kanilang mga witness. Binigyang-diin ni Luna na ang mga pagkakamali sa mga pahayag at dokumentong inilatag ng prosecution ay hindi lamang simpleng typo, kundi mga bagay na umano’y nakaaapekto sa kredibilidad ng kanilang mga testigo at ebidensya. Aniya, tila hindi umano handa ang prosecution sa pagharap sa kanilang kaso. Dagdag pa ni Luna, hindi umano nagtutugma ang ipinapakita ng prosecution sa publiko at ang mga naging pahayag ng kanilang mga witness sa loob ng impeachment trial. Bagama’t patuloy nilang ipinapakita na positibo ang kanilang panig, iginiit ni Luna na kabaligtaran umano ang nakikita sa aktwal na takbo ng paglilitis.