وافيت قبل امس فالديره عجوز + الالفيه - جلسة صوت الهنا - بشير شنان

تسجيلات الهلالي.. وافيت قبل امس فالديرة عجوز + الف اولف من جديد المعاني كلمات : بشير شنان وافيت قبل أمس فالديره عجوز عليها واشكالها اللعنه تجوز ماتقرب أمر خبيث إلا وتفوز همها في العمر تحليل الحرام قربت منـي وقالت فـي ندم هالطريق يودي لسوق الغنم قلت أنا مدري اسألي شخص فهم وأبعدت عنها وتوسطت الزحام تابعتني والعيون مشبهـرات تركض بسرعه ورافعة العباة قلت وش تبغين قالت لك وصاة جارنا أبو فلان يهديك السلام قلت هذا اللي تسمين أجهلـه قالت تعرفه وتعرف من هله بتعترف وإلا يالله نوصله يظهر الكذاب منّا في الكلام قلت أنا والله غشيم في البلد لا أعرف شوارع ولا أعرف أحد وبأحلفلك أيمان بالرب الصمد إني معك صادق في ذا الكلام قالت الأيمان عندك جاهزه ولو نبغي ألفين حلف بارزه حجتك هـذي قديمه وبايزه يالله مشينا لا يجينا الظلام قلت أنا مواعد لي إنسان عزيز وسط منفوحه ومن حول النشيز بوصله أخشى إن موعدنا يبيـز أبعتذر منه وأرجع لك قوام قالت اصبر شف معاي أربع صور حافظتها لك في جيبي من شهر وأظهرت من بينهم صورة قمـر يبري الآلام ويزيل السقام قامت بي الأرض والدنيا تدور ودخلت بعد الزعل الدنيا السرور قربت مني وقالت فـي غرور بتروح وإلا لا تطول في الكلام قلت أنا بمشي معك للي تبين لو في طريقي ذياب جايعين وإن ما كفى اليوم لو نقعد سنين أنا تحت أمركم يا أهل الغرام قالت مشينا وخلك من بعيد من شان في البيت إنسان عنيد كل ما قلنا نسى عناده يزيد قليل حشمه ومفقود إحترام قلت أنا بقعد على هذا الرصيف كله على شان من دمه خفيف لو يقفي البرد ويجينا المصيف ما رحت حتى أشوفه لو كلام راحت وفي ظرف ساعه عودت وقربت مني وبيدها أشرت قالت مشينا ترى القمره طفت الجو صافي وشارعهم ظلام أدخلتني بيت مثل المقبره أرض وحيشه خلاوي ومقفره الطوايق فاتحه ومكسره يشبه عشاش تبنى للحمام قلت يا خاله إذا عندك بساط أرجوك هاتيه أحسن من البلاط قالت لي ما أخبر سوى هذا السماط اصبر دقايق وتمشي في سلام قلت أنا ما عاد أبي شي بتات عجلي نادي لنا زين الصفات قالت المذكور إلى جاء من الصلاة ينام بدري على شان الدوام قلت يا خاله أبي منك السماح بروح للبيت وأرجع في الصباح قالت لي أرجوك خلك من المزاح بنوم أنا وإنت يابن الكرام سكت والنار في قلبي ولعت وقلت أبي الدكان أباخذ لي بكت راحت وفي ظرف ساعه عودت وجابت بكت كنت من عشرين عام قالت وش الراي نرقى للبراد قلت أنا فيما تشوفين السداد وكشفت راس فقد ريح السـواد جعل ما هي بالعرب أهل الوشام قلت أنا مادامت انها لوحدها ليه من راس الدرج ما أدفها وإن ما غشت في الخياش ألفها وإلى صحت لينها كومت عظام بعدين فكرت فـي حل سليم أرقى بلا غتره وكني مقيم وأحلف لها برب زمزم والحطيم انها تشفي جروح أهل الغرام وفي اذنها قلت ياشمـس النهار القلب من يوم شافك شب نار وفي نفسي أقول ياليت القطار يقسمك نصفين يابنت الحرام قامت تشاخر وأنا أحسبها رقدت واثر اللعينه لراعي خططت مقصودها تكتشفني وانجحت قالت على وين قلت أبغى الطعام قالت أنا خابره باقي الفطور من قبل قبل أمس ماشفت القدور وإن كان تبغى جبته في سـرور بمشي على رضاك ياولد الكرام قلت أنا بالله دخيلك عجلي وإلى جيتي راس الدرج اتمهلي وفي نفسي أقول يالله وصلني هلي أعيش فالنور من بعد الظلام طلعت لجدارها لينه قريب وأخاف أطب أنكسر ماعاد أطيب طبيت والله يسر لي الصعيب ومن بعدها تبت من طرد الغرام