Mina - Canzone appassiunata

Brano della tradizione musicale partenopea di E. A. Mario (1922), inciso da Mina nell'album "Napoli secondo estratto" (2003), secondo capitolo dell'omaggio mazziniano alla canzone napoletana. CANZONE APPASSIUNATA E. A. Mario N'albero piccerillo aggiu piantato, criscènnolo cu pena e cu sudore... Na ventecata giá mme ll'ha spezzato e tutt''e ffronne cágnano culore... Cadute só' giá 'e frutte: e tuttuquante, erano doce, e se só fatte amare... Ma 'o core dice: "Oje giuvinotto amante, 'e ccose amare, tiénele cchiù care..." E amara comme si', te voglio bene! Te voglio bene e tu mme faje murí... Era comm''o canario 'nnammurato, stu core che cantaje matina e sera... "Scétate!" - io dico - e nun vò' stá scetato... e mo, nun canta manco a primmavera!... Chi voglio bene nun mme fa felice: forse sta 'ncielo destinato e scritto. Ma i' penzo ca nu ditto antico dice: "Nun se cummanna a 'o core". E i' mme stó' zitto!... E mme stó' zitto, sí...te voglio bene... Te voglio bene e tu mme faje murí..