කිතු දන පුබුදු ශුද්ධාත්ම ආගමන මංගල මහෝත්සවය 2026

“එන්න! එන්න! කුරුස පාමුලට; මා ඔබේ මනාලයයි. ඔබ මගේ මනාලියයි” (ශු. ජොහාන් 19:25 සහ එළිදරව්ව 19:6-7) අප ව විසමපත් කරන වාර්ෂික තේමාවක් වසරක් පුරා අප පියාණන් වහන්සේගෙන් ලබමු. 2026/2027 වසර සඳහා පියාණන් වහන්සේ බලගතු වචනයක් අපට දානය කරමින් අපව කැඳවනුයේ කුරුස පාමුලටය. ස්වර්ගයේ තම පුතුගේ මහා මංගල්‍යයට අපට දානය කරන කැඳවීමක් ලෙසය. කුරුසිය පාමුල පියාණන් වහන්සේ සළකන්නේ තම පුතණුවන් දිනා ගන්නා ජනතාවගේ විවාහයට පෙර ගන්නාවූ ගිවිසුම ලෙසය. අපගේ භාෂාවෙන් කිවහොත් එය “අවසරගැනීම” ඉංග්‍රීසියෙන් “Engagement” ලෙසද පුරාණ යුගයේ “Betrothal” යනුවෙන්ද හැඳන්වේ. දේව මෑනියන්ගේ යුගයේ පළමු ගිවිසුමද ඉතාමත් බලගතුය. දේව මෑනියන්ගේ ‘ආමෙන්’ යන්න (මාංශගතවීම) උන්වහන්සේට ගල් ගසා මරාදමන්නට තරම් වූ වරදක් සැටියට සැලකූහ. ක්‍රිස්තුස් වහන්සේගේ ශ්‍රී රුධිරයෙන් පවිත්‍ර කරගත් අපව කුරුස පාමුල ක්‍රිස්තුස් වහන්සේට සුදුසු මනාලියක් බවට පත්කරනු ලැබිනි. එම නිසා අප සියළු දෙනා දේව ජනතාව සදා නොවෙනස් බන්ධනය සිදුවන තෙක් පළමු විවාහ ගිවිසුම තුල පක්ෂපාතීව ජීවත් විය යුතුය. අප ගත කරනුයේ පළමු ගිවිසුම් සමයයි. එය දැනටමත් පැමින ඇත. එහෙත් ගිවිසුම සම්පූර්ණවනනේ සදා නොවෙනස් බන්ධනය තුල දී ස්වර්ග රාජ්‍යයේ දීය. එදින පියාණන් වහන්සේ තම පුතණුවන් දිනා දුන් මනාලිය දැක කොතරම් ප්‍රිත වේවී ද? එළිදරව්ව 19:5-8 දක්වාම වචන ඉතාම ගාම්භීරය; තේජාන්විතය; ප්‍රීතිමත්ය. 7,8 පද මෙසේ සඳහන් කරයි “අපි අතිශයින් ප්‍රීති සන්තෝෂ වෙමු. උන්වහන්සේට ගෟරවය පිරිණමමු. මන්ද බැටළු පෝතකයාණන්ගේ සරණ මංගල්‍යය පැමිණ ඇත. උන්වහන්සේගේ මනාලිය සැරසී සිටින්නීය.” අප එළිදරව්ව 19 නමේ පදයට අවධානය යොමු කරමු. "එවිට දේවදූතයා මට කතා කොට ් බැට්ලු පෝතකයාණන්ගේ සරණ මංගල්‍ය භෝජනයට කැඳවනු ලැබුවෝ භාග්‍යවන්තයෝ යයි කියා ලියන්නැයි කීය." ක්‍රිස්තුන් වහන්සේගේ මනාලිය වන්නට අප කොතරම් භාග්‍යවන්ත වෙමුද? එම ප්‍රීතිය භුක්ති විඳීමට නම් මෙම සංක්‍රාන්ති සමය අපකුරුෂ පාමුල ගත කළ යුතුය. එපමණට අපගේ පව්කාර බවත්, අපගේ මනුෂ්‍ය කිලිටි බවත්, අපට පෙනෙනු ඇත. එපමණට අපට ශුද්ධ වූ, නොකැළැල් මනාලියක් කර ගන්නට අපගේ මනාලයා කොයි තරම් දුක් විඳිනවාදැයි අපට පෙනෙනු ඇත. එතුමාණන් තම මනාලිය වෙනුවෙන් පණ පුදන සේක. කුරුසිය පාමුල යනු ඉතාමත් ශුද්ධ, පූජනීය, අතී පවිත්‍ර වූ ස්ථානයකි. තවත් ආකාරයට කුරුසිය පාමුල මනාලයා තම මනාලිය ශුද්ධවත්, නොකැළැල් කරන, තම මනාලිය පවිත්‍ර කරන, තම මනාලිය තමන්ම වෙනුවෙන් පූජා වන ස්ථානයකි. කුරුසිය පාමුල අපගේ නිවහන කර ගනිමු!