Top News/ Ministri Hoxha propozon emrin/ Ilir Proda, kandidati për postin e drejtorit të Policisë

Ilir Proda është emri i propozuar nga Ministri i Brendshëm Ervin Hoxha, për postin e Drejtorit të Përgjithshëm të Policisë së Shtetit mes 5 kandidaturave më të vlerësuara nga Komisioni i Posaçëm. Ministri i Brendshëm i ka përcjellë Këshillit të Ministrave propozimin dhe vendimi i Qeverisë për postin e drejtorit të Policisë së Shtetit do të merret në mbledhjen e radhës. Ilir Proda, aktualisht Drejtori i Policisë së Elbasanit, ka një karrierë prej 19 vitesh në policinë e shtetit. Proda ka nisur rrugëtimin e tij në uniformat blu në vitin 2005 fillimisht si specialist i policisë kriminale në komisariatin nr. 3. Përgjatë viteve ka mbajtur poste si shef Komisariati në Tiranë e Bulqizë, zv,drejtor për hetimin e krimit në Korçë dhe Elbasan. Proda ka diplomë avokati dhe master shkencor për të drejtë penale. Gara për drejtorin e Policisë së Shtetit nisi pas dorëheqjes së ish-drejtorit Muhamet Rrumbullaku nga posti. Ministria e Brendshme shpalli thirrjen publike për aplikim për pozicionin më 2 shtator. 11 kandidatët në garën për drejtorin e përgjithshëm të Policisë së Shtetit, u intervistuan në Ministrinë e Brendshme nga komisioni i posaçëm në kontrollin final për verifikimin e pastërtisë së figurës duke kërkuar të dhëna nga SPAK, Prokuroria e Përgjithshme, SHISH, Drejtoria e Përgjithshme e Policisë së Shtetit, AMP dhe Agjencia e Informacionit të Sigurisë së Mbrojtjes. Top News është televizion informativ, i hapur në shkurt të vitit 2007. I konceptuar si format news, prioritet i saj është informimi i publikut përmes lajmit të fundit. Lidhje live për politikën, aktualitetin, kronikën, ekonominë, rajonin, botën, sportin, teknologjinë dhe show biz-in. “ Informohu i pari” , slogani për 24 orë lajme . Sjellim ndryshe realitetin mediatik në Shqipëri, ofrojmë një burim informacioni të saktë, të shpejtë, të besueshëm dhe të thelluar. Për më shumë vizitoni: http://top-channel.tv/ Subscribe to "Top Channel" on YouTube Channel for NEWS and TV Shows HERE: http://bit.ly/2Y15KwK For more content from click HERE: www.top-channel.tv Like Top Channel on Facebook HERE: http://bit.ly/2FglWTs Follow Top Channel on Instagram HERE: http://bit.ly/2uaYG2U Follow Top Channel on Twitter HERE: http://bit.ly/2TJndeH #TopNews#Propozimi#IlirProda