අවිද්‍යාවේ සිට ජරා මරණ දක්වා පෙළගැසෙන සත්‍යය | පූජ්‍ය තපෝවනයේ අරියධජ හිමි 1037

අවිද්‍යාවේ සිට ජරා මරණ දක්වා පෙළගැසෙන සත්‍යය | පූජ්‍ය තපෝවනයේ අරියධජ හිමි 1037 මෙම සුවිශේෂී ධර්ම දේශනාව සඳහා පාදක කරගෙන ඇත්තේ බුදුදහමේ මූලිකම සහ ගැඹුරුම ඉගැන්වීමක් වන "පටිච්චසමුප්පාදය හටගැනීම සහ නිරෝධය" පිළිබඳවයි. පටිච්චසමුප්පාද ධර්මය තුළ සමස්ත චතුරාර්ය සත්‍යයම, සෝවාන්, සකෘදාගාමී, අනාගාමී සහ අරහත් යන සතර මග සතර ඵලයන්ම අන්තර්ගත වන බව ස්වාමින් වහන්සේ පෙන්වා දෙති. පටිච්චසමුප්පාදය නිවැරදිව මෙනෙහි කිරීම උතුම්ම භාවනාවක් වන අතර, එමඟින් සක්කායදිට්ඨි, විචිකිච්ඡා, සීලබ්බත පරාමාස යන සංයෝජන ධර්මයන් ප්‍රහාණය කරමින් සෝවාන් මාර්ග හා ඵලයන් කරා ළඟා විය හැකි ආකාරය මෙහිදී සරලව පැහැදිලි කෙරේ. දේශනාව තුළින් අවිද්‍යාව, සංඛාර, විඤ්ඤාණ, නාමරූප, සළායතන, ඵස්ස, වේදනා, තණ්හා, උපාදාන, භව, ජාති, ජරා, මරණ ආදී පටිච්චසමුප්පාද අංග 12 එකිනෙකට ප්‍රත්‍ය වෙමින් ක්‍රියාත්මක වන ආකාරයත්, "මම" හෝ "පුද්ගලයෙක්" ලෙස ගත හැකි කිසිවක් එහි නොමැති බවත් චිත්තක්ෂණයක් පාසා සිදුවන වෙනස්වීම් ඇසුරින් විග්‍රහ කෙරේ. ශාස්වත සහ උච්ඡේද යන දිට්ඨි දෙකෙන් බැහැරව, කලින් ධර්මයක් ඇති කල්හි ඊළඟ ධර්මයක් හටගන්නා ආකාරය (ප්‍රත්‍ය ධර්මතාවය) නුවණින් දැකීම තුළින් ආත්ම දිට්ඨිය ගලවා දමන ආකාරය මෙහිදී මනාව විස්තර වේ. අවසානයේ, ජරා, ව්‍යාධි, මරණ, සෝක, පරිදේව ආදී සියලු දුක් සමුදාය හටගැනීමට මුල් වන 'ජාතිය' (උපත) නිරෝධය කිරීම සඳහා ආර්ය අෂ්ටාංගික මාර්ගය (සීල, සමාධි, ප්‍රඥා) ප්‍රායෝගිකව ජීවිතයට ගලපාගත යුතු ආකාරය මෙහිදී දේශනා කරනු ලබයි. මෙම උතුම් ධර්ම ශ්‍රවණයෙන් රැස්කරගත් සියලු පුණ්‍ය සම්භාරයන්, මෙම දේශනාවේ ප්‍රධාන දායකත්වය දරමින් සියලු ඥාතීන්ට පින් අනුමෝදන් කරන, ජීවත්වන දෙමාපියන්ට සහ ආදරණීයයන්ට නිදුක් නිරෝගී සුවය පතන පානදුර, සොලමන් මාවතේ පදිංචි උනන්බුව මැතිතුමා, මැතිනිය ඇතුළු පවුලේ සැමටත්, ලෝකවාසී සැමටත් උතුම් චතුරාර්ය සත්‍ය ධර්මය අවබෝධ වීම පිණිසම හේතු වාසනා වේවා! අසුභානුපස්සිං විහරන්තං – ඉන්ද්‍රියේසු සුසංවුතං භෝජනම්හි ච මත්තඤ්ඤුං – සද්ධං ආරද්ධවීරියං තං වේ නප්පසහති මාරෝ – වාතෝ සේලං’ව පබ්බතං රාගය දුරුවෙලා යන විදිහට අශුභ දෙය අශුභ වශයෙන්ම දකිමින් ඉන්නවා නම්, ඇස් කණ් ආදී ඉන්ද්‍රියන් සංවර කරගෙන නම්, දන් වැළඳීමේ අර්ථය දන්නවා නම්, ඔහු ශ‍්‍රද්ධාවන්ත කෙනෙක්. ආර්ය අෂ්ටාංගික මාර්ගයේ ගමන් කරන, පටන්ගත් වීරිය ඇති කෙනෙක්. මාරයාට ඔහුව සොළවන්ටවත් බැහැ. කොයි තරම් හුළං හැමුවත් සොළවන්නට බැරි ගල් පර්වතයක් වගෙයි. (සේතව්‍ය නුවරදී චූලකාල, මහාකාල භික්ෂූන් අරභයා වදාළගාථාවකි෴) #thapowanayeariyadajathero #sadahamasapuwa #සදහම්අසපුව #ධර්මදේශනා #darmadeshana #භාවනාව #meditation #mindfulness #බුදුදහම #bawana #pirith #vipassana #buddhismteachings #mindfulnesspractice #mindfulnessmeditation #bana