व्यापार और दुकान चलाने के लिए उपाय (remedies for good running business & shop)

namaskaar, aaj ka jo humara topic hai wo un logo ke liye hai, jo apne karobaar ko lekar, apne business ko lekar, apne dukar ko lekar pareshan rahte hai. aaj un logo ke liye hum special 12 remedies lekar aaye hai. bahut se log loan le kar karobaar shuru karte hai, phir bhi unka maal bikta nahi hai, wo is umeed se kaam karte hai ki unka saara maal bik jayega, lekin aisa nahi hota. ulta unke upar karza chad jata hai. humare sabhi upaaye bahut hi easy hote hai, aisa koi bhi upaye hum nahi btate, jisme kisi bhi parkaar ka koi tantra mantra ho, ya wo aapko koi nuksaan de. aisa koi bhi upay hum nahi karwate. remedy no 1 bahut saare log jab apni dukaan kholte hai to unka jo table ya counter hota hai, jisper wo cheezain rakh logo ko dikhate hai, ya bejte hai. roz subah jakar dukaandaar us table per ganda geela kapda pherne lagte hai. yeh bahut hi galat baat hai. ganda geela kapda pherne se aap samjh le ki aapne apne pure din ki kamaai per hi pochcha maar diya. wo kaam nahi karna hai. agar aap jaa kar waha safai karte ho to aapne apne table ya counter ko bilkul sukhe aur saaf kapde se saaf karna hai. yeh vastu ka bahut bada niyam hai.aur bahut hi strong upay hai. agar is upaay ko aap apne vyapaar me istemaal karege to aapko achche result milege. remedy no 2 kuch log jab apni dukaan per jaate hai to apni shutter ka lock kholte hai, to kholne ke baad usi shutter per hi tala lock kar ke kundi me latka dete hai. iska matlab hota hai ki aapne apne dukan ka tala khola lekin apne vyaapar ko phir tala maar diya. phir saara din costumer ki wait karte hai, per costumer nahi aata. to aapne aisa kabhi bhi nahi karna hai, jo tala aapne khola hai usko utaar kar shop ke ander kahi per rakh dijiye, aur uski key bhi uske saath attach kar ke na rakhe, key ko kahi aur rakhe aur taale ko kahi aur rakhe. chabiyon ko apne paise wali jagah per bhi na rakhe. remedy no 3 bahut saare logo ne mujhse kaha hai ki jab bhi koi costumer unki dukaan per aata hai to wo dukan me rakha hua samaan dekhta hai, pasand karta hai, lekin kharidta nahi hai. usko waise hi chod kar chala jata hai. uske liye sabse pehle aapne apni dukaan ka vaivekon( north aur west ka corner) ko bilkul saaf sudhra rakhna hai. jo dukan ka maal nahi bik raha hai usko vaivekon per rakh dijiye. jab aapki dukaan ka vaivekon strong ho jayega to sabse pehle wo hi maal bikega. kai baar sirf vaivekon per rakha hua maal hi bikta hai. jo maal aapka bik gya hai to waha per aap aur bhi maal rakh de. to vaivekon se hi aapki income badti jayegi.