រឿងរ៉ាវគ្រួសារតារាចម្រៀង ប៉ែន រ៉ន

នារសៀលថ្ងៃទី១៨ ខែវិច្ឆិកា ឆ្នាំ២០២៥នេះ ក្រុមដំណើរខ្មែរ មានកិត្តិយសបានធ្វើកិច្ចសម្ភាសន៍ជាមួយលោក ប៉ែន សុផាន់ នាមដើ់ម ប៉ែន ចន្ទដេរ៉ូ ជាអតីតតន្រ្តីករ សព្វថ្ងៃមានអាយុ៦៨ឆ្នាំ ជាកូនប្រុសទី២របស់លោក ប៉ែន ស៊ីថា អ្នកបញ្ចូលសំឡេងកុន និងត្រូវជាក្មួយប្រុសបង្កើតរបស់លោកស្រី ប៉ែន រ៉ន តារាចម្រៀងកំពូលសម័យយុគមាស។ លោក ប៉ែន សុផាន់ បានរៀបរាប់ពីរឿងរ៉ាវមួយចំនួននៃប្រវត្តិក្រុមគ្រួសាររបស់លោក ក៏ដូចជារឿងរ៉ាវជីវិតឯកជនរបស់តារាចម្រៀងប៉ែន រ៉ន និង ប៉ែន រ៉ម ដែលត្រូវជាមា្តយមីងរបស់លោក។ ក្នុងទសវត្ស៧០ លោកធ្លាប់រស់នៅជាមួយលោកស្រី ប៉ែន រ៉ម និងស្វាមី នៅផ្ទះល្វែងមួយកន្លែងតាមបណ្តោយផ្លូវត្រសក់ផ្អែម រដ្ឋធានីភ្នំពេញ ហើយលោកបានបន្តរស់នៅជាមួយពួកគាត់នៅក្នុងរបបខ្មែរក្រហមផងដែរ។