Beautiful Ghazal By Ustad Sher Ali Khan & Ustad Mehr Ali Khan (Dil Tarapta Hai Nazren Pareshan Hain)

قبلہ شبیر ساجد مہروی (جنت نشین) رحمتہ اللہ علیہ کا لکھا ھُوا بہت خوب صورت شہرہ آفاق کلام در آواز : اُستاد شیر علی مہر علی خاں قوال دل تڑپتا ہے نظریں پریشان ھیں اک حسین اجنبی ہمسفر کے لئے آنکھوں آنکھوں میں جانے وہ کیا کہہ گیا چین اب تک نہیں لمحہ بھر کے لئے اے میرے ہمنوا اے میرے ہم نفس آج اتنا تڑپ ٹوٹ جائے قفس آتشِ سوز سے پھونک دے تیلیاں کب تلک روۓ گا بال و پر کے لئے اے دلِ مضطرب سرد آہیں نہ بھر ضبط سے کام لے اُنکا شکوہ نہ کر وہ نہیں ھیں تیرے حال سے بے خبر یاد آتی ھے اُن کو خبر کے لئے میں نے مانا کہ ھے حسن بحرِ نظر دوستو یہ حقیقت بھی سمجھو مگر حُسن کے واسطے بھی نظر چاہیئے حسن ھوتا نہیں ھر نظر کے لئے اک طرف یہ ستم اک طرف وہ کرم ھم نے دیکھا نہ ایسا سُنا اے صنم عشق تیرا ھی دردِ جگر بھی بنا اور دوا بھی ھے دردِ جگر کے لئے جان لے لی پتنگوں کی شمع نے گر یہ بھی دیکھا کہ اسکا ھُوا کیا اثر بن گئی موت شمع کی خود وہ سحر شمع روتی رھی جس سحر کے لئے ھو کے ساجد تیرا سر جُھکائے کہیں توبہ ایسا تصور بھی ممکن نہیں میرا سر ھے تیرے سنگِ در کے لئے سنگِ در ھے تیرا میرے سر کے لئے