Gruaja që nuk u rrëzua asnjëherë, Aferdita Hajrizi të cilës forcat serbe ia vranë burrin dhe djalin.

Bashkëbisedim mbresëlënës me Afërdita Hajrizin, një grua të jashtëzakonshme. As vrasja e bashkëshortit të saj, Agim Hajrizit, kryesindikalistit të Kosovës në kohën e okupimit, bashkë me djalin e saj të mitur, Ilirin dhe vjehrrës, nënës Nazmije, nuk e rrëzoi dhe nuk e dobësoi asnjëherë. Afërdita Hajrizi, për asnjë moment nuk iu dorëzua dhembjes, po u ngrit e fortë dhe u bë zë i së vërtetës. Ajo dëshmoi para botës krimet serbe e gjenocidin në Kosovë. Edhe kur lufta mbaroi e politika e asaj periudhe ishte e padrejtë me të, edhe kur e larguan nga puna, edhe kur u detyrua me dhunë të largohej nga vendi, Afërdita nuk u thye e as u ligështua. U kthye, sepse e do Mitrovicën, e adhuron Kosovën. Për Zgjedhjet e 28 Dhjetorit, Afërdita Hajrizi garon për deputete në Kuvendin e Republikës së Kosovës. Ajo flet pak, por qartë, thekshëm e drejt. Dhe, mbi të gjitha, Afërdita nuk frikësohet nga e vërteta dhe përballet fytafyt me mohuesit e saj. Me Afërdita Hajrizin në Kuvend, fjala e qytetarit dëgjohet më qartë, më me respekt e më zëshëm. #116 #53