Mbledhja e KPD, replika te ashpra mes Fatos Nanos dhe anetareve te PS - (4 Dhjetor 2001)

Lajme Arkiva - TV Klan 2001 Për gjatë gjithë ditës së sotme ka vazhduar mbledhja maratonë e Komitetit të Përgjithshëm Drejtues të PS. Pasi diskutuan dje për rreth 10 orë, socialistët e KPD-së kanë depozituar të tjera kërkesa, për të folur përpara kolegëve të tyre, si dhe para gjithë opinionit publik, nëpërmjet transmetimit drejtpërdrejtë televiziv të kësaj mbledhje. Sot folën kryetarët e degëve socialiste në rrethe, si dhe anëtarët e kryesisë. Tonet janë ngritur që në diskutimet e Musa Ulqinit, i cili kërkoi mbledhjen e kongresit të jashtëzakonshëm. Ish-kandidati për kryeministër Arben Malaj bëri apel për mos mbylljen e debatit brenda partisë, si dhe respektimin e demokracisë brenda saj. Replika kryetari socialist pati edhe me profesor Servet Pëllumbin, i cili bëri thirrje për gjetjen e një kompromisi për të mos dëmtuar partinë. Kjo mbledhje historike e Komitetit të Përgjithshëm Drejtues socialist do të vijojë edhe ditën e nesërme me votimin e kryesisë, si dhe me vendimmarrje të tjera./tvklan.al SUBSCRIBE to “RTV KLAN” on YouTube for more videos! Për më shumë informacione vizitoni faqen tonë web https://tvklan.al/ Videot e fundit nga Tv Klan i gjeni në faqen https://tvklan.al/video/ Follow Tvklan on Facebook:   / tvklan   Follow Tvklan on Instagram:   / rtvklan   Programet e Tv Klan mund t’i ndiqni edhe në faqen https://tvklan.al/programe/