23/06/2026 ll संकल्प यम सल्लेखना का ll क्षपकराज ll आचार्य श्री वर्धमान सागर जी महाराज ll

खासदार राजू शेट्टी साहेब:- वात्सल्य रत्नाकर आचार्य श्री 108 संन्मती सागरजी महाराज यांचे परम शिष्य संयम मूर्ती , वात्सल्य वारिधि आचार्य श्री 108 वर्धमान सागर महाराजजी यांनी आज सकाळपासून यम सल्लेखना घोषित केली. कुंथलगिरी या सिध्दक्षेत्रावर त्यांचे दर्शन व मंगल आशीर्वाद घेतले .वात्सल्य वारिधि परम पूज्य आचार्य श्री १०८ वर्धमान सागर जी महाराज हे विसाव्या शतकातील प्रथमाचार्य चारित्र्य चक्रवर्ती श्री शांतिसागर जी महाराजांच्या अक्षुण्ण पट्ट परंपरेतील पंचम पट्टाधीश (पाचवे आचार्य) आहेत. जैन धर्मातील सर्वोच्च दिगंबर संतांपैकी एक असलेल्या आचार्य श्री वर्धमान सागर जी महाराजांनी नियम सल्लेखना व्रत स्वीकारून आत्मसाधनेच्या अंतिम आणि सर्वोच्च शिखराकडे दिव्य प्रस्थान केले आहे. जैन दर्शनानुसार, जेव्हा शरीर वृद्धत्वामुळे किंवा आजारपणामुळे साधनेला साथ देत नाही, तेव्हा स्वेच्छेने आणि अत्यंत शांत परिणामांनी अन्न-जलाचा टप्प्याटप्प्याने त्याग केला जातो. शरीर आणि वासना (क्रोध, मान, माया, लोभ) मंद करून आत्म्याला शुद्ध स्वरूपात विलीन करणे हा या व्रत उपासनेचा मुख्य हेतू असतो. गुरुमुखातून अरिहंत आणि सिद्ध परमेष्ठींचे निरंतर नामस्मरण ऐकत, अत्यंत शांत आणि निर्मळ भावाने देह त्याग करणे यालाच समाधीमरण किंवा सल्लेखना म्हणतात. जैन परंपरेत या विधीला 'मृत्यूवर विजय मिळवून समाधीमरण प्राप्त करण्याची कला' म्हटले जाते. अशा महान तपस्वी आणि वात्सल्यमूर्ती आचार्यांच्या पावन चरणी कोटि-कोटि नमोस्तु!