الاسديه اتحاشمت نسوانها | الملا عبدالأمير الفتلاوي - السيد جاسم الطويرجاوي

كُتِبتْ ومازالت ١٤٤٢ هـ ليلة ١٣ محرم ١٤٤٢ هـ الأسديه اتحاشمت نسوانها جايه تدفن غريب أوطانها اشلون اجت نسوانها امهتكه الستور اشلون عبره او هايجه ابذيچ الصدور اتشوف حرّه ناشره منها الشعور اتشوف مخموره اتعمت بردانها بالردان اتعمت ويلي اشحالها الشدّة اللهفه اتعثر بذيالها اتگول من شان الدفن لرجالها والمناحه للنسه من شانها عار والله اعله الزلم للحشر عار الجار للجار العرب يكرم الجار ليش مرمي احسين اِله ثالث نهار او صحبته من اكهولها او شبّانها شالت الماي او تحث امن التراب والزلم من خوفها امعچفه الرگاب من كثر عار النسه او عظم المصاب صارت النخوه او بچه ديوانها من تناخو گالو اشبعد الصبر هاي ذلّه او عارها مدّ العمر كون باچر نِنّشد شنهو العذر انصير گاله للعرب بلسانها اتناخت وجوه الزلم واتحزّمت أربعين امن العشيرة اتلازمت اشتدّت اعتدّت صدگ واتوزّمت شافت العار ايغلب بجبانها مشت من كثر الحَيَه او گحمت الخوف او لحگت ابجمع النسه ابوادي الطفوف گالوا اِتردّن خطر بيها نشوف انحاذر امن ازيادها او مروانها گالن اوياكم نساكم رايحه احسين مشه لا بچه او لا صايح النايحه زينب او وين النايحه اميسّره الحرّه ابحكم عدوانها بين ماهم بالملامه او بالجدال طلع راچب گال شنتم يالرجال اتفرّقوا عنّ الجثث يمنه او شمال طايره من شر أُميّه أذهانها گال شنهو اوگوفكم يم الأجساد كون بيّنولي الصدگ شنهو المراد گال آنه ايمامكم زين العباد واسفر اِلهم من وچاد ايمانها گالوا حسين انتخينه الدفنته ابكل جهدنه او لا گدرنه الجثّته لا مواراته او لا من صحبته الضايعه تحت الذواري أبدانها گال احفرو اهناه والدفنه تهون ابنوع مستعبر دمع تجري العيون گالوا ابلايه غسل ندفن شلون بلچي يروه امن الغسل عطشانها گال هذا الراي حگ لاچن الراي ناشدوني هاي عنها الترك هاي لو فرضنا ايحصل للتغسيل ماي وين شو كافورها وچفانها شگّو الگبره وجِه والدمع كات شال أبوه اشلون اِله صبر او ثبات صاح ريت الموت يعدمني الحياة اشلون أشوفه امعفّر ابتربانها يا بني أسد حطّو الأكبر يم أبوه هذا أُخوي احزام ظهري وانه أخوه هذا المغَبَّر اوجوه الحاربوه اشكثر جندل بالوغه امن أعيانها والاصحاب اهناه من عنده جريب خلّو دفنتهم سوه شابٍ او شيب خلّو مفرد بس ابن ظاهر حبيب الطلّگو دنيه او حظه بجنانها او بعد عبّاس البطل بالمشرعه الجثّته ابحدّ السيوف اموزّعه اشلون مصرع شبل حيدر مصرعه اِمگطَّعه اچفوفه الفنه جيمانها الشاعر المرحوم: عبدالامير الفتلاوي المصدر: ديوان سلوة الذاكرين ، في النبي وآله الطاهرين بصوت الخطيب المرحوم: السيد جاسم الطويرجاوي #كتبت_ومازالت #حسينية_ابوطالب حساب الحسينية على منصة الإنستقرام @hussainyat.abutaleb   / hussainyat.abutaleb