ගොඩ යාමක් නැති ගොවිතැනේ අර්බුදය | Ep 94

ගොවියෝ යළි වීදි බැස සිටිති.මෙවර ඔවුන්ගේ ඉල්ලීම වී මිල ඉහළ දැමීම හා පොහොර මිල ආශ්‍රිත ගැටලු මත පදනම්ව තිබේ. කල් ඇදෙමින් තිබෙන මෙම ගැටලුවට ආණ්ඩුවෙන් සෑහෙන තරමේ විසඳුමක් හෝ ප්‍රතිචාරයක් මේ දක්වා ලැබී නැත. ලැබී ඇත්තේ ගොවීන් තවදුරටත් කුපිත කරන ආකාරයේ ප්‍රතිචාර කිහිපයක් බව පෙනෙන්නට තිබේ.නාඩු සහල් සඳහා රුපියල් 120.00 ක් වන ආණ්ඩුවේ මිල පිළිගැනීමට ගොවියා සූදානම් නැත. පොහොර ඇතුළු කෘෂිකාර්මික නිෂ්පාදන සාධක මිල ඉහළ යාම හේතුවෙන් නිෂ්පාදන පිරිවැය බෙහෙවින් ඉහළ ගොස් ඇති බව ගොවීන්ගේ අනෙක් ප්‍රධාන දුක් ගැනවිල්ලයි. මෙම කරුණු මත වීදි බැස සිටින ගොවීන්ගේ අරගලය දිනෙන් දින මෝරා වැඩෙන ලකුණු මිස විසඳුමක ළකුණු පෙනෙන්නට නැත. මතුපිට ඉල්ලීම් මෙසේ වුවද වී ගොවිතැනේ ඇතුළාන්ත අර්බුදය මෙයින් බොහෝ ගැඹුරට විහිදේ. අසූව, අනූව දශක වල පවා වී ගොවිතැනෙහි අර්බුදය පිළිබඳ කොතෙකුත් සංවාද සිදුවූ අතර නිමක් නැති විරෝධතාවන් හා උද්ඝෝෂණ ගොවිජනයාගේ දාම දිවි නසා ගැනීම් දක්වා වර්ධනය විය. එම ඛේදවාචකයට අඩ සියවසක් ආසන්න වෙද්දී අදටත් ඒ ගැටලු එසේම පැවතීම මෙම අර්බුදයේ බරපතලම ඛේදවාචකයයි.ගොවි ආර්ථිකය තුළ ඉහත ගැටළු වර්ධනය වෙද්දී ඒ මත තම දේශපාලන ව්‍යාපාරය ගොඩනැගූ පක්ෂයක් දේශපාලන බලය හොබවද්දී මේ තත්ත්වය උග්‍ර වීම පවතින ඛේදවාචකයේ ඇති තවත් සරදමකි. කෙසේ වෙතත් මතුපිට ප්‍රශ්නය වී මිල හා පොහොර ඉල්ලීම ලෙස ප්‍රකාශයට පත්වුවද මෙරට කෘෂිකර්මයේ අර්බුදය යනු ඉන් බොහෝ දුර ගැඹුරට විහිදුණු ප්‍රතිපත්තිමය සාධක ගොනැගුනු අවුලකි. කෘෂිකර්මය සඳහා අවශ්‍ය කරන ප්‍රතිපත්තිමය ප්‍රතිසංස්කරණ හඳුන්වාදීමට නොහැකි වීම ; පසුගිය සංවාද වාරයේ අප සාකච්ඡා පරිදි කළ මෙරට ආණ්ඩුකරණයේ නොහැකියාවක් බව මේ වන විට පමණටත් වඩා සනාථ වී ඇත. මේ වන විට සමාජ දේශපාලන අර්බුදයක් ලෙස ප්‍රකාශයට පත් වී තිබෙන්නේ ඒ බරපතල නොහැකියාවයි. මෙවර oneword කතිකාව මගින් උත්සාහ කරන්නේ ඒ නොහැකියාව මත ප්‍රකාශයට පත්වෙමින් තිබෙන සමාජ දේශපාලන අර්බුදය පතුලේ ඇති ගැඹුරු තේමාවන් යම් පමණකින් හෝ ඇමතීමටය. 20:35    / irrivideo   irri 21:38 https://www.bbc.com/news/world-asia-i... 22:28 https://en.wikipedia.org/wiki/Monsanto https://en.wikipedia.org/wiki/Philip_...