MFUMO WA KIDIGITALI KUENDESHA LIGI KUU MSIMU UJAO

Rais wa Shirikisho la Mpira wa Miguu Tanzania (TTF), Wallace Karia, amesema wamezindua mfumo mpya wa usimamizi wa ligi utakaotumika kupanga ratiba, kufuatilia takwimu na kuratibu waamuzi kwa lengo la kuongeza ufanisi na kupunguza malalamiko yaliyokuwa yakijitokeza katika uendeshaji wa mashindano. Amesema mfumo huo utakuwa ukifanyiwa maboresho mara kwa mara ili kuendana na mahitaji ya ligi na wadau wa soka nchini. Karia amesema mfumo huo utasaidia kufuatilia mwenendo wa waamuzi na kuondoa malalamiko ya mara kwa mara kuhusu waamuzi kufuatana na timu fulani, huku akiwataka viongozi na makocha kuacha hoja za uchovu wa wachezaji kutokana na kuruhusiwa kusajili hadi wachezaji 40. Amesema ratiba rasmi ya Ligi Kuu itatangazwa kabla ya Julai 20 baada ya kukamilika kwa maboresho ya mwisho ya mfumo huo. Kwa mujibu wa Karia, mchezo wa Ngao ya Jamii utachezwa Agosti 12, 2026, huku Ligi Kuu ikitarajiwa kuanza Agosti 14, 2026 na kumalizika Mei 16, 2027 ili kutoa nafasi kwa maandalizi na ushiriki wa mashindano ya AFCON 2027. Video na Peter Allan