شبل الدواسر&راشد بن مصلح|سلم على معارفك في العنبر(حصرياً)2026

كلمات:راشد بن مصلح اداء:شبل الدواسر غرهد علي يا بارد النسناس تكفى تراني غاديً محتاس متغيّرً ما عادني بـ اياني صاير من ادنى كلمةً حساس مانيب راشد الاولي لا والله خصوصاً الليا ابعد بي الهوجاس كم واحد قمنا وطحنا لـ جله وجحد جمايلنا ضعيف الراس وانا مانرجي من وراها حاجة الا الاجر والطيب والنوماس و الموقف اللي مرنّي ذكرني باللي حصل لـ كليب مع جساس سبّار غرات الرجال هلامه وسبّار براق الحيًا عساس البندق اللي ثورت في خباها من زندها ولا من الترباس الله يجملني مغ المتجمل ويزيدني بالنور والنبراس جتني رساله يوم قدني برقد وماعاد جاني من بعدها انعاس هقاوي اهل الطايله تنصاني وانا لها والله وكيل الناس يافيصل ابن خليّف الودعاني لا يدخلك شكً ولا وسواس السيف والله مايمّس رقبتك دام الدواسر لابتك لا باس سلم على معارفك في العنبر ماعاد لك في ذا المحل مجلاس الله يردك صوب اهلك وناسك مثل ما رد ادباس لـ ابو ادباس تغلب وزايد من وراك و دونك وانت ابلج حجاج ومعرب ساس تكفون ي ال زايد ويا التغالب ابن خليّف قد طواه الياس لو نفلس من المال عادي لكن في المرجله لا نعلن الافلاس تكفون يادوسر ماودي بـ انه يفرح بنا شماتً وبلاس ترى الرجل لا صار دون حميّه مثل القصيد اللي بدون احساس وحنا حمايانا من اول تعرف وافعالنا برهانً ومقياس