ಪೂಜೆಯ ಮಾಡುವೆ ಮಹಾಲಕ್ಷ್ಮಿ ||

ಪೂಜೆಯ ಮಾಡುವೆ ಮಹಾಲಕ್ಷ್ಮಿ | | ಪೂಜೆಯ ಮಾಡುವೆ ಮಹಾಲಕ್ಷ್ಮಿ, ನಾ ನಿನ್ನ ತೇಜವ ಬೀರುತ್ತ ಬಾರಮ್ಮ । ತೇಜವ ಬೀರುತ್ತ ಬಾರಮ್ಮ, ನೀ ನಮಗೆ ಸಕಲ ಸೌಭಾಗ್ಯವ ತಾರಮ್ಮ ॥ ಪನ್ನೀರಿನಲ್ಲಿ ನಿನ್ನ ಪಾದವ ತೊಳೆಯುವೆ, ಗಂಧಾಕ್ಷತೆ ಫಲಪುಷ್ಪಗಳ । ಗಂಧಾಕ್ಷತೆ ಫಲಪುಷ್ಪಗಳನರ್ಪಿಸಿ, ಧೂಪ ದೀಪಾರತಿಯ ಬೆಳಗುವೆನಾ ॥ ಅರಿಶಿನ ಕುಂಕುಮ ಹರಿವಡಿ ಹಚ್ಚುವೆ, ಪರಿ ಪರಿ ಭಕ್ಷ್ಯವ ಬಡಿಸುವೆನಾ । ಪರಿ ಪರಿ ಭಕ್ಷ್ಯವ ಬಡಿಸುತ್ತಾ ಕರೆಯುವೆ, ದಯದಿ ನೀ ಪೂಜೆಯ ಸ್ವೀಕರಿಸು ॥ ಎಂದೆಂದೂ ನೀ ನಮ್ಮ ಗೃಹದಲ್ಲಿ ವಾಸಿಸು, ಕಷ್ಟ ದಾರಿದ್ರ್ಯವ ಪರಿಹರಿಸಿ । ಕಷ್ಟ ದಾರಿದ್ರ್ಯವ ಪರಿಹರಿಸಿ, ನೀ ನಮಗೆ ಅಷ್ಟ ಸೌಭಾಗ್ಯವ ತಾರಮ್ಮ ॥