ՄԵԾԱՄՈՐ ՀԱՄԱՅՆՔՈՒՄ ՄԱՆԿԱՊԱՐՏԵԶՆԵՐԻ ՀԻՄՆԱՆՈՐՈԳՈՒՄԸ ԱՌԱՋՆԱՀԵՐԹՈՒԹՅՈՒՆ Է #mecamor #մանկապարտեզ

Պետություն-համայնք համաֆինանսավորմամբ իրականացվում են Մեծամոր համայնքի Մեծամոր քաղաքի թիվ 2 և թիվ 3, Տանձուտ, Տարոնիկ մանկապարտեզների հիմնանորոգման և հարակից տարածքների բարեկարգման աշխատանքներ։ Մեծամոր քաղաքի թիվ 2 մանկապարտեզի հիմնանորոգման աշխատանքները տևելու են 280 օր, որոնք կատարում է «Տուրիստաս» ՍՊ ընկերությունը: Հիմնանորոգված մանկապարտեզը կհյուրընկալի ավելի քան 110 երեխա: Աշխատանքների պայմանագրային արժեքը կազմում է 292.258 մլն. դրամ, համայնքի մասնաբաժինը կազմում է 87.677 մլն. դրամ, իսկ պետության մասնաբաժինը՝ 204.581 մլն. դրամ: Մեծամոր քաղաքի թիվ 3 մանկապարտեզի հիմնանորոգման աշխատանքները իրականացնում է «Հուսալի Շինարար» ՍՊ ընկերությունը, որոնք տևելու են 370 օր: Ավարտին մանկապարտեզ կհաճախեն ավելի քան 200 երեխա: Ծրագրի արժեքը կազմում է 459.657 մլն. դրամ, որից համայնքի մասնաբաժինը կազմում է 137.897 մլն. դրամ, իսկ պետությանը՝ 321.760 մլն. դրամ: Տանձուտ բնակավայրում մանկապարտեզի հիմնանորոգման աշխատանքներն իրականացնում է «Զեթ-Պրոֆիլ» ՍՊ ընկերությունը։ Աշխատանքները տևելու են 250 օրացուցային օր, որի ավարտին մանկապարտեզն իր դռները կբացի շուրջ 100 երեխայի առջև։ Ծրագրի պայմանագրային արժեքը կազմում է 150.458 մլն. դրամ, որից համայնքի մասնաբաժինը կազմում է 45.137 մլն. դրամ, իսկ պետության մասնաբաժինը՝ 105.321 մլն. դրամ։ Տարոնիկ բնակավայրում ևս իրականացվում է մանկապարտեզի հիմնանորոգման աշխատանքներ, որն իրականացնում է «Հուսալի Շինարար» ՍՊ ընկերությունը: Աշխատանքները տևելու են 250 օրացուցային օր: Ավարտին՝ շուրջ 100 երեխա ամբողջ տարին հնարավորություն կունենա այցելել մանկապարտեզ: Ծրագրի ընդհանուր արժեքը կազմում է 136.722 մլն. դրամ, որից համայնքի մասնաբաժինը կազմում է 41.017 մլն. դրամ, պետության մասնաբաժինը 91.705 մլն. դրամ: #Մեծամոր #համայնք #Արմավիր #շինարարություն #Վահրամ_Խաչատրյան #մանկապարտեզ