Ditëlindja e një Panairi

Panairi i Librit - Diaspora 2019 - Uster Ditë më parë në Uster u organizua Panairi i Librit nga Shoqata Bashkimi me titullin «Diaspora 2019» Si ide Shoqata Bashkimi e ka pasur që moti organizimin e një Panairi të Librit dhe pas shumë bisedimeve me Kryesinë e Shoqatës në Korrik / Gusht 2019 u fillua me hapat e parë dhe me bisedimet rreth Panairit të Librit. Titulli «Diaspora 2019» erdhi shum rastësisht, ngaqë ne jetojmë jashtë atdheut pra në Diasporë dhe u vendos që të titullohet kështu.Organizimi ishte shum i mirë dhe të gjithë Anëtarët e kryesisë si valltarët dhe Aktivistët e Shoqatës Bashkimi kanë punuar me shum vullnet për realizimin e këtij projekti. 15. Shtator 2019 është dita që në Shoqatën tonë do të mbahet mend gjat sepse ishte një organizim që kërkonte shum punë dhe profesionalizëm. Ne jemi shumë krenarë që këtë Projekt e organizuam vetë ne, me mundin dhe me financat e Shoqatës Bashkimi dhe natyrisht me ndihmën e Sponsorëve tanë. Nga institucionet në vendlindje si në Shqipëri, Kosovë apo Maqedoni nuk kemi kërkuar mbështetje financiare, e vetmja gjë që ne kemi kërkuar ishte prania e Ambasadorëve të shteteve tona këtu në Zvicër por edhe kjo nuk ndodhi. Përveç përfaqësueses së Konsullatës së Kosovës në Zürich dhe përfaqësuesit së Ambasadës së Kosovës në Bern nuk erdhi askush tjetër të paktën për mbështetje morale për të na përkrahur dhe për të na motivuar për punën dhe angazhimin që ne e kemi bërë. E ftuar ishte edhe Ministria e Diasporës së Kosovës dhe Shqipërisë por vetëm Qendra e Botimeve për Diasporë ishte prezentë në Panair. Pra ne nuk kemi kërkuar asnjë mbështetje financiare por mbështetja morale ishte më se e mirëpritur do të mirëpritej edhe nga të gjithë të pranishmit në Panair. Në këshillin organizativ për Autorët dhe Konkursin Letrar përkrah Anëtarëve të kryesisë së Shoqatës Bashkimi ne i kishim edhe Prof. Vaxhid Sejdiun dhe shkrimtarin Muharrem Blakaj të cilët na ndihmuan shum rreth organizimit dhe pritjen e autorëve të Panairit të Librit. Të gjithë autorët / shkrimtarët që kanë prezantuar librat e tyre nuk kan qën të detyruar që të paguajnë vendin / stendën e tyre po ashtu edhe për vizitorët e Panairit hyrja ka qën falas.Në Panair ka qenë dhe ka raportuar edhe Gazeta Zürcher Oberländer dhe Anzeiger von Uster. Panairin dhe punën organizative e përcolli gjatë gjithë ditës edhe Radiotelevizioni Shqiptar TVSH. Shoqata Bashkimi i falënderon të gjithë autorët, shkrimtarët që ishin prezent aty, i falënderojmë ata të cilët morën rrugën nga shum larg për të na u bashkuar ne. Një falënderim të veçante për shtëpinë Botuese FAN NOLI nga Tirana dhe MËMËDHEU nga St.Gallen. Shoqata Kulturore Bashkimi së shpejti do të fillojë me përgatitjet e Panairit të Librit Diaspora 2020. https://www.bashkimi.ch/shqip/index.html