ကာယဗလမောင်ချန်ပီယံကြီးရဲ့ မပြီးသေးတဲ့အိပ်မက်

ကာယဗလမောင်ချန်ပီယံကြီးရဲ့ မပြီးသေးတဲ့အိပ်မက် ဇွန် ၁၃၊ ၂၀၁၈ ကိုယ်ခန္ဓာကြံ့ခိုင်ပြီး ယောကျာ်းပီသတဲ့ ခန္ဓာကိုယ်ပိုင်ရှင်တစ်ယောက်ဖြစ်ချင်တဲ့အတွက် ၁၇ နှစ်သားအ ရွယ်က တည်းက ကာယဗလအားကစားကို ရူးသွပ်ခဲ့တဲ့သူတစ်ဦးကတော့ အောင်ခိုင်ဝင်းပဲဖြစ်ပါတယ်။ အိုလံပစ်ကာယဗလမောင် လေးနှစ်ဆက်တိုက်ချန်ပီယံဖြစ်ခဲ့ဖူးတဲ့အောင်ခိုင်ဝင်း ဟာ လတ်တလောကျင်းပပြီးစီး ခဲ့တဲ့ ၂၀၁၈ ခုနှစ် အိုလံ ပစ်ကာ ယဗလမောင်ပြိုင်ပွဲ အလွတ်တန်းမှာလည်း ပထမဆု ထပ်မံဆွတ်ခူးရရှိခဲ့ပါပြီ။ ကာယဗလအားကစားပြိုင်ပွဲတွေကို နှစ်နှစ်တာအနားယူခဲ့တဲ့ အောင်ခိုင်ဝင်းအတွက် ဒီ ၂၀၁၈ အိုလံပစ်ပြိုင်ပွဲက တကျော့ပြန်ပွဲ ပွဲဦးထွက်အောင်ပွဲဖြစ်ပါတယ်။ ပြိုင်ပွဲတွေအတွက် နှစ်နှစ်လောက်ကြိုးကြိုးစားစားလေ့ကျင့်ကစား ခဲ့တဲ့အတွက် ပြိုင်ပွဲတွေအတွက် သူယုံကြည်မှုကောင်းကောင်းရှိနေပါပြီ။ ပြီးတော့လည်း ဒီတကျော့ပြန်အောင်ပွဲက သူ့အတွက်တော့အတော်အရေးကြီးပါတယ်။ ဒီပွဲမှာ ချိန်ပီယံဖြစ်မှ နောင်လာမယ့် နိုင်ငံ တကာပွဲတွေကို ဝင်ပြိုင်နိုင်မှာ ဖြစ်လို့ပါပဲ။ အောင်ခိုင်ဝင်းက ခုပြီးသွားတဲ့ ၂၀၁၈ အိုလံပစ်ပွဲကို ဝင်မပြိုင်ချင်သေးဘဲ နောက်ထပ် နှစ်နှစ်လောက် အချိန်ယူပြီး နိုင်ငံတကာပွဲတွေအတွက် လေ့ကျင့်ချင်သေးတယ်လို့ ဆိုပါတယ်။ တကယ်တော့ ပိုက်ဆံ ကျပ်ငါးရာလေးနဲ့ နယ်ကနေ ရန်ကုန်ကို တက်လာခဲ့တဲ့ အောင်ခိုင်ဝင်းဟာ အိပ်မက် အကြီးကြီးနဲ့ပါ။ ကာယဗလအားကစားနဲ့ နိုင်ငံ့ဂုဏ်ကိုဆောင်ချင်တာဖြစ်ပါတယ်။ သူ့အိပ်မက်တွေလက်တွေ့ဖြစ်ဖို့က မလွယ်ပါဘူး။ ကာယဗအားကစားကို တစ်နေ့ လေ့ကျင့်ချိန် ခြောက်နာရီနဲ့ လေ့ကျင့်ရပါတယ်။ ဒါတင်မဟုတ်သေးပါဘူး။ အစားအသောက်ဆိုလည်း နေ့တိုင်း အမဲသားကြက်သားတွေ ပိ သာချီစားရပြီး ကြက်ဥဆိုရင် တစ်နေ့ကို အလုံးတစ်ရာလောက် စားခဲ့ရတယ်လို့ဆိုပါတယ်။ ပြိုင်ပွဲရက်တွေနီးလာ တာနဲ့အမျှ လေ့ကျင့်တာကိုပိုစူးစိုက်ရသလို ရေသောက်တာကိုလည်း မသောက်သလောက်ကို လျှော့ပစ်ရတယ် လို့ ကိုအောင်ခိုင်ဝင်းက ပြောပါတယ်။ ၁၉၉၉ ခုနှစ်က မြန်မာ့လက်ရွေးစင်စဖြစ်ခဲ့တဲ့ အောင်ခိုင်ဝင်းဟာ ဆီးဂိမ်းရွှေတံဆိပ်နှစ်ခု၊ ငွေတံဆိပ်တစ်ခုနဲ့ ကြေးတံဆိပ်တစ်ခု ရထားတဲ့ကစားသမားတစ်ဦးဖြစ်ပါတယ်။ မြန်မာပြည်ရဲ့ ကာယဗလမောင်ချန်ပီယံ ရှစ်ကြိမ်နဲ့ နိုင်ငံတကာပြိုင်ပွဲမှာ ဆုတံဆိပ်ပေါင်း ဆယ်ဆုရရှိထားကာ လက်ရှိမှာ မြန်မာနိုင်ငံရဲ့ ကာယဗလမောင်ချန်ပီယံတစ်ဦးလည်ဖြစ်ပါတယ်။ ရုပ်သံသတင်းထောက် - စောအောင်မင်းဦး