MIRROR合力捧走八個獎丨姜濤冧莊奪「我最喜愛的男歌手」念亡友台上泣不成聲丨呂爵安盧瀚霆柳應廷各奪一獎丨田木集作

MIRROR合力捧走八個獎丨姜濤冧莊奪「我最喜愛的男歌手」念亡友台上泣不成聲丨呂爵安盧瀚霆柳應廷各奪一獎丨田木集作 男團MIRROR喺今年嘅《叱咤樂壇流行榜頒獎典禮》有非常好嘅成績，總共捧走八個獎項，包括「叱咤樂壇組合銀獎」、「叱咤樂壇我最喜愛的組合」、「專業推介叱咤十大」第二位《BOSS》、「專業推介叱咤十大」第六位《狂人日記》「專業推介叱咤十大」第九位《Megahit》、「叱咤樂壇生力軍男歌手」銀獎呂爵安、「叱咤樂壇我最喜愛的歌曲大獎」《Dear My Friend》，以及姜濤冧莊奪「叱咤樂壇我最喜愛的男歌手」。 今年繼續由林海峰（Jan）頒發「叱咤樂壇我最喜愛的男歌手」，Jan宣佈姜濤得獎前更大搞氣氛，逐一介紹最後五強名單張敬軒、陳卓賢、呂爵安、盧瀚霆、姜濤，同時又多次故作宣佈結果，突然恭喜Anson Lo盧瀚霆，嚇到佢呆咗，一副難以置信嘅樣子，Anson Lo更被身邊幾位兄拉了起身，直至Jan恭喜佢今年好忙，Anson Lo先知Jan只係搞笑。 然後Jan又叫姜濤，Jan第一句就話「呢個獎係屬於你嘅！」正當姜濤被身邊兄弟推起身時，點知Jan又話係上年，姜濤就一副早就估到嘅樣子，好搞笑咁做個「請講」嘅手勢，點知話口未完，Jan正式宣佈姜濤冧莊「叱咤樂壇我最喜愛的男歌手」，佢喺台上講感言時仲講到：「我好有信心地講，我哋一定會係亞洲第一。」由於《Dear My Friend》呢首歌，姜濤係為咗紀念佢已去世嘅好朋友，故姜濤演唱時特別感觸，唱到接近尾聲，更加泣不成聲。 ==================== 更多《田木集作》嘅片，可以喺呢度睇到👇🏻👇🏻👇🏻 🛎️ YT：   / 田木集作   🏃🏻 IG ：  / touchwoodtv   ❤️ FB：  / touchwoodtv   ==================== #MIRROR #姜濤 #叱咤樂壇我最喜愛的男歌手 #叱咤樂壇我最喜愛的組合 #叱咤樂壇流行榜頒獎典禮 #田木集作 #touchwoodTV