फुले-शाहू-आंबेडकरांचा महाराष्ट्र की भोंदूगिरीचा? वैशालीताई डोळस यांचा सवाल! #chandrapur प्रबोधन पर्व

ॲड. वैशाली डोळस ■ देशात भोंदू बाबांचे जाळे दिवसेंदिवस अधिक घट्ट आणि विस्तृत होत चालले आहे. ही परिस्थिती अत्यंत भयावह आणि चिंताजनक आहे. ■ खरंच आज महिला सुरक्षित आहेत का? हा प्रश्न आज प्रत्येक जागृत नागरिकाला पडला पाहिजे. ■ डॉ. बाबासाहेब आंबेडकरांनी महिलांना केवळ समान हक्कच दिले नाहीत, तर स्वाभिमानाने, सन्मानाने आणि स्वतंत्रपणे जगण्याची ताकद दिली. पण आजही अंधश्रद्धा आणि भोंदूगिरीच्या नावाखाली महिलांवर क्रूर अन्याय, शोषण आणि अत्याचार होत आहेत. हे वास्तव कोणीही नाकारू शकत नाही.■ देशात अंधश्रद्धेचे प्रमाण चिंताजनकरीत्या वाढत आहे. भोंदू बाबांना राजकीय पाठबळ मिळत असल्याने ते निर्भयपणे समाजात वावरत आहेत आणि कायद्याला खुशाल धाब्यावर बसवत आहेत.फक्त कायदे करून चालणार नाही. ■ सरकारने संविधानाचे काटेकोर पालन करत, कायद्यांची कठोर अंमलबजावणी करणे गरजेचे आहे.अंधश्रद्धा निर्मूलन कायदा संपूर्ण देशभर तात्काळ लागू करणे ही आजची काळाची गरज आहे! ■ जर समाज वेळीच जागा झाला नाही, तर ही अंधश्रद्धा आणि भोंदूगिरी आपल्या पुढच्या पिढीला, आपल्या भविष्यालाच गिळंकृत करेल.जागा हो! सजग हो! लढा उभा करा!