Ota-onani dinga da'vat qilish | Shayx Sodiq Samarqandiy

Savol: Onam dadamga doim ovozlarini ko‘tarib, jerkib, juda xunuk muomala qiladi. Bu ham yetmagandek, kiyim-kechak, ovqatiga deyarli e’tibor bermaydi. Bir necha marta bu ishi noto‘g‘riligini Rasululloh sallallohu alayhi va sallamning hadislari bilan tushuntirishga harakat qildim. Afsuski, farzandi bo‘lganim uchunmi, deyarli har safar gapirsam xafa bo‘lib, ancha vaqtgacha gaplashmay qo‘yadi. Dadamga esa namoz o‘qib turib spirtli ichimlik ichish, sigaret chekish haromligini hecham tushuntira olmayapman. Eshitgilari kelmaydi. Bundan tashqari, ota-onamga televizordagi bo‘lmag‘ur seriallardan ko‘ra rabboniy olimlarning darsliklarini eshitib ilm olish kerakligini, iymonni mustahkamlash kerakligini tushuntira olmayapman. Axir yuqoridagi xunuk holatlarning hammasi ilmsizlikdan, iymonning zaifligidan emasmi?! Iltimos, ota-onalarga nasihat qilsangiz. Biz farzandlarga ota-onalarimizning bir-birlari bilan bu qadar sovuq muomalada bo‘lishi, gunoh ishlarga beparvoligi azob beradi, gapirsak xafa bo‘lishadi, olishmaydi, gapirmasak gunohga botib borishmoqda.