Dəniz Pişiklərinin sualtı təlimlərində TƏHLÜKƏLİ anlar

Dəniz Pişiklərinin sualtı təlimlərində TƏHLÜKƏLİ anlar #dənizçilər #xtq #video Qəhrəmanlıqlardan ruhlanan Azərbaycan gənci! Zəfər həyəcanını, əsgər qürurunu yaşamaq sənin də haqqındır! Hərbi təcrübəsi olmayan, yaşı 18- 23 arası olan gənclər! Vətən sağ olsun 4. Zəfər- başlayır Bu dəfə Xəzərin suları və onun ucsuz-bucaqsız sahili sizin üçün əsl şücaət meydanı olacaq! Diqqət vaxt məhduddur! Qeydiyyat 12 iyul tarixinə qədər davam edəcək. Müraciət üçün mzproduction.az saytına daxil olub göstərilən bölmədə qeydiyyatdan keçmək lazımdır. "Vətən Sağ Olsun!" “Vətən Sağ Olsun” layihəsinin ilk buraxılışı 2008-ci ildə Gənclər və İdman Nazirliyi tərəfindən bütün Hərbi Qoşun növləri ilə, 2013-cü ildə isə Daxili İşlər Nazirliyinin Daxili Qoşunlarının “N” saylı Hərbi Hissəsində “Vətən Sağ Olsun 2 – Çağırarsa Vətən” adı altında həyata keçirilmişdir.2020-ci ildə isə “Vətən Sağ Olsun 3 – Xüsusi tapşırıq” adı ilə reallaşdı. Növbəti Vətən Sağ Olsun -4 Zəfər isə 2021-ci ildə çəkilməyə başlayır. Yarışın əsas məqsədləri: Gənclər arasında hərbi vətənpərvərlik, Vətənə sədaqət, Vətəni qorumaq kimi müqəddəs hisslərin daha da gücləndirilməsi ilə yanaşı, gənclərin daha da mətin, mübariz və cəsarətli olması üçün stimul yaratmaqdır. Yarışın iştirak şərtləri: Yarışda 18 – 23 yaş arası hərbi xidmətdə olmayan oğlan və qızlar iştirak edə bilərlər. Yarışda iştirak edən gənclər üçün əsas şərt üzə bilməkləridir. Yarışda iştirak etmək üçün müraciət edən gənclər ilkin mərhələdə Yarışmanın Təşkilat Qrupu tərəfindən təşkil olunmuş yoxlamadan keçdilər. • hərbi Tibbi Müayinədən keçərək sağlamlıq haqqında arayış alırlar; • növbəti mərhələdə hərbçilərdən ibarət komissiya tərəfindən fiziki normativlərə uyğun olub-olmaması yoxlanılır • üçüncü mərhələdə peşəkar psixoloq baxışından keçirlər. Sonda ən yüksək bal toplamış ilk 10 nəfər oyuna iştirakçı qismində seçilir. Sonra iştirakçı hüququ qazanmış gənclər layinənin reallaşdırılacağı hərbi hissəyə göndərilirlər. Yarış iştirakçılarının mükafatlandırılması: Sonda təntənəli mükafatlandırma mərasimi keçirilir. Burada komandir yarışın keçirildiyi ordu rəhbərliyi qarşısında hesabatla çıxışı edərək hər bir iştirakçı haqqında məlumat verir və qalibləri elan edir. Həmin hesabat tam olaraq rəsmi sənəd hesab olunur. Qaliblər pul mükafatı və müxtəlif hədiyyələrlə təltif olunurlar. Yarışın işıqlandırılması: Layihə “MZ Production” tərəfindən istehsal olunaraq İctimai Televiziyada 10 həftə müddətində, həftədə bir dəfə olmaqla, yayımlanacaq. Yarışın mümkün qədər geniş auditoriyaya təqdim olunması üçün yayımında bütün mövcud vasitələrdən – televiziya, internet, sosial mediadan istifadə olunacaq. İştirakçıların asudə vaxtlarından, eləcə də kadrarxası məqamlardan müşahidə xarakterli videoçarxlar də təqdim ediləcək. Eyni zamanda, hər iştirakçı haqqında da xüsusi təqdimat çarxları hazırlanacaq. QEYD: Layihənin həyata keçirilməsi zamanı COVİD-19 Pandemiyasının bütün tələb və qaydalarına ciddi əməl olunub.