அற்புதங்கள் நிகழ்த்தும் தேவி மாயம்மா ஜீவசமாதி சேலம்.

   / @mehalasworld   சேலத்தில் நாம் பார்க்க வேண்டிய இடங்களில் ஒன்று பெண் சித்தர் மாயம்மா அவர்களின் ஜீவசமாதி ஆகும். மாயம்மா அசாம் மாநிலத்தில் காமாக்கியா கோவிலில் இருந்து தமிழ்நாட்டில் கன்னியாகுமரிக்கு வந்தவர் என்று கூறப்படுகிறது. இவர் தெய்வீக சக்தி பெற்றவர் என்பதும் பெண் சித்தர் என்பதும் ஆரம்பத்தில் யாருக்கும் தெரியவில்லை. விபத்தில் அடிபட்டு இறந்துபோன ஒரு நாய்க்கு உயிர் கொடுத்த போது தான் இவருடைய தெய்வீக சக்தியை மக்கள் தெரிந்து கொண்டார்கள். இவர் எப்போதும் கன்னியாகுமரி கடற்கரையிலேயே இருப்பாராம் .பாறைகளில் அமர்ந்து தவம் செய்வார். அவ்வப்போது கடல் நீர் மேலே நடந்து செல்வாராம். தன்னுடைய தெய்வீக சக்தியின் மூலமாக பலருக்கும் உதவிகள் பல செய்து வந்த மாயம்மாவை பராசக்தி என்றும் கன்னியாகுமரி என்றும் மக்கள் நம்பினார்கள். கன்னியாகுமரியில் இவருக்கு ராஜேந்திரன் என்பவர் சீடராக இருந்து பணிவிடைகள் செய்து வந்தார். மாயம்மாவிற்கு கன்னியாகுமரியில் கோவில் ஒன்று அமைக்கப்பட்டுள்ளது. மாயம்மா தனது இறுதிக் காலத்தில் கன்னியாகுமரியில் இருந்து சேலம் ஏற்காடு மலை அடிவாரத்தில் வந்து தங்கி தவம் செய்யத் துவங்கினார். அவருடைய சீடர் ராஜேந்திரனும் சேலத்தில் அவரோடு கூட இருந்து பணிவிடைகள் செய்து வந்தார். அங்கேயே இருந்து பக்தர்களுக்கு தன் தெய்வீக சக்தியினால் அருள்பாலிக்க தொடங்கினார். இவருடைய தெய்வீக சக்தியைப் பற்றி ஞானானந்த சுவாமிகள் யோகி ராம்சுரத்குமார் அவர்களும் தங்களுடைய சீடர்களுக்கு எடுத்துச் சொல்லியிருக்கிறார்கள். அவர்கள் மூலமாக நாடு முழுவதும் பெண் சித்தர் மாயம்மாவைப்பற்றி தெரியவந்தது. மாயம்மா வின் வயது என்னவென்று யாராலும் யூகிக்க முடியாது. அவர் 300 ஆண்டுகளுக்கு மேல் வாழ்ந்து இருக்கக்கூடும் என்று நம்பப்படுகிறது. 1992 ஆம் ஆண்டு சேலம் ஏற்காடு மலை அடிவாரத்தில் ஜீவ சமாதி அடைந்தார் . அவர் ஜீவ சமாதி அமைந்துள்ள இடத்தில் கோவில் எழுப்பப்பட்டுள்ளது. அவர் ஜீவசமாதி அடைந்த நாளான பிப்ரவரி ஒன்பதாம் தேதி ஒவ்வொரு வருடமும் குரு பூஜை அங்கு நடக்கிறது. அப்போது நாடு முழுவதும் இருந்து ஏராளமான அவருடைய பக்தர்கள் அங்கு கூடுவார்கள். எப்போது மாயம்மா அம்மாவின் ஜீவசமாதிக்கு போனாலும் அங்கே ஒரு அமைதி நிலவும். தெய்வீக சக்தி அங்கே நிலவுவதை உணர முடியும். #Mehalasworld    • ✨Pichavaram Mangrove Forest 🌿 | திகில் நிற...