ታኅሣሥ ገብርኤል ዋዜማ ምልጣን - በተክሌ ዝማሜ |Tahisas Gebriel Wazema Miltan

ዋዜማ ዘታኅሣሥ ገብርኤል ዋዜማ ፡ በ ፮ ራ አብሠራ ገብርኤል ለማርያም ወይቤላ፡ ትወልዲ ወልደ፡ ሚካኤል መልአክ በክነፍ ጾራ መንጦላዕተ ደመና ሰወራ፡ ንጽሕት በድንግልና ኣልባቲ ሙስና፡ ወልድ ተወልደ እምኔሃ። ምል፡ ሚካኤል መልአክ በክነፍ ፆራ መንጦላዕተ ደመና ሠወራ፡ ንጽሕት በድንግልና አልባቲ ሙስና፡ ወልድ ተወልደ እምኔሃ፡ ወልድ ተወልደ እምኔሃ። አመላለስ: ወልድ ተወልደ እምኔሃ፡ ወልድ ተወልደ እምኔሃ። በ፭፡ ገብርኤል አብሠራ ለማርያም ወይቤላ ትወልዲ ወልደ ገብርኤል አብሠራ ለማርያም። ሰላም፡ አመ ፲፱ ለወርሐ ታኅሣሥ አመ ይትጋብኡ መላእክት፡ መልአከ ሰላሞሙ ውእቱ ገብርኤል፡ ገብርኤል ይስእል ምሕረተ ለእንስሳ ሳዕረ ለሰብእ ተግባረ፡ መ፡ ሚካኤል በየማነ ምስዋዕ ይቀውም ዓውዶ፡ መልአከ ሰላሞሙ ውእቱ ገብርኤል፡ መልአከ ኪዳኖሙ ውእቱ ገብርኤል ስሙ። አመላለስ: መልአከ ሰላሞሙ ውእቱ ገብርኤል፣ መልአከ ኪዳኖሙ ውእቱ ገብርኤል ስሙ።