Aşıq Məhəmməd Şıxlı - aşıq Məhəmməd Şıxlının 110 illik yubileyi. Dövlət Mahnı Teatrı

Aşıq Dərya Məhəmməd Məhəmməd Rəhim oğlu Qocayev 1905-ci ildə Qazax mahalının İkinci Şıxlı kəndində anadan olmuşdur. Ustadları Aşıq Canallı Məmmədin şəyirdi Aşıq Səməd (1928) və Sadıq Sultanov (1929-cu ildən) olmuşdur. On üç yaşı olarkən atası erməni quldurları tərəfindən qətlə yetirilmişdir. Kənddəki molla məktəbində ibtidai təhsil aldıqdan sonra Qori Müəllimlər Seminariyasında təhsilini davam etdirmişdir. 1928-ci ildən aşıqlıq sənətinə başlamışdır. İstedadına, coşğulu ifasına görə ustadı ona "Dərya" təxəllüsü vermişdir. Aşıq Səməd 1928-ci ildə İkinci Şıxlıdan köçdüyündən Aşıq Məhəmməd sənətini yarımçıq qoyub. 1929-cu ildən Aşıq Məhəmməd Tiflisdə məşhur aşıq Sadıq Sultanova şəyirdlik edib. 1930-cu illərin əvvəllərindən müstəqil aşıqlığa başlayıb. Aşıq Əmrah və Hüseyn Saraclı ən yaxın dostları olmuşdur. Aşıq Məhəmməd 1984-cü il iyunun 15-də vəfat etmişdir. Məhəmməd Rəhim oğlu Qocayev Doğum tarixi: 1905 Doğum yeri: İkinci Şıxlı, Qazax rayonu Vəfat tarixi : 15 iyun 1984