Harout Pamboukjian - Inqs indz pes // Հարութ Փամբուկչյան ֊ Ինքս ինձ պես

Lyrics : Hamo Sahyan // Խոսք՝ Համո Սահյան Music : Avo Aroutiounian // Երաժ.՝ Ավո Հարությունյան Director: Khachik Yeghoyan // Ռեժիսոր՝ Խաչիկ Եղոյան ‪@khachikyeghoyan‬ DOP: Suren Tadevosyan // Օպերատոր՝ Սուրեն Թադևոսյան Editing: Suren Sargsyan // Մոնտաժ՝ Սուրեն Սարգսյան Executive Producer Isaac Pamboukjian Special thanks: General Director of ,,ARAM KHACHATRYAN,, CONCERT HALL Ruzanna Sirunyan Musicians Edgar Hayrapetyan & Joni Hovhannisyan Այս աշխարհում ես ապրեցի Աշխարհի հետ Եվ ինքս ինձ հետ կռիվ տալով, Ինչ ունեի ցրիվ տալով, Բեռ-բեռ, բուռ-բուռ լրիվ տալով Մինչև անգամ նրանց, ովքեր Հետո պիտի ուրանային... Այս աշխարհում ես ապրեցի, Ավաղ, քարին քացի տալով, Աչքս հազար լացի տալով, Հոգի տալով հազար անգամ, Հազար անգամ դարձի գալով, Դարձի գալով ես ապրեցի: Ինձ կշռելով ու չափելով, Իմ անբաժան անքնությամբ Գիշերներս կրճատելով, Խարույկի պես ճարճատելով, Ծուխը բոցից, Բոցը մոխրից անջատելով, Իմ ջանքերով գերերկրային Գերերկրային տանջանքներով, Տանջանքներով ես ապրեցի: Այս աշխարհում ես ապրեցի Այս աշխարհի մեղքի համար Ինձ մեղավոր ճանաչելով, Եվ իմ չարած, բայց ինչ արած, Հնարավոր մեղքի համար Ինքս ինձանից ամաչելով, Ամաչելով ես ապրեցի: Այս աշխարհում ես ապրեցի Ամեն տեսակ Տաք ու պաղից ճաքճքելով, Ամեն ինչից ինձ զրկելով, Ինձ ժխտելով ու լքելով, Բայց վերջնական կործանումից Ու կորուստից ինձ փրկելով, Ինձ փրկելով ես ապրեցի... Այս աշխարհում ես ապրեցի Այս աշխարհի բախտի համար Իմ մատները մոմ անելով Ու վառելով, Չարածներիս համար անվերջ Ես ինքս ինձ չարչարելով, Ինձ կորցնելով ու ճարելով, Մեկին հազար վճարելով, Վճարելով ես ապրեցի: Այս աշխարհում ես ապրեցի Պարտք առնելով ու մարելով, Ցավը ցավին գումարելով, Լավը լավին գումարելով, Գլուխս կախ, առամց ճառի... Եվ ինչ էլ որ արի չարի, Իմ անճարակ, խեղճ ու կրակ Լուսահոգի պապիս ասած, Գալս եղավ ճարահատյալ, Եվ մնալս վայնաչարի... Եվ վերջապես Իմ ուժերի ներածի չափ, Այս աշխարհում ապրեցի ես Ինքս ինձ պես, ինքս ինձ պես: Համո Սահյան Instagram:   / haroutpamboukjianofficial   Facebook:   / harout.pamboukjian   You Tube:    / @haroutpamboukjian   website: https://www.haroutpamboukjian.com/