Top News - SPAK me 2 bashkëpunëtorë të rinj/ Henrik Hoxhaj dhe Klevis Alla humbasin shansin

Prokuroria e Posaccme I ka hequr statusin e bashkëpunëtorit të drejtësisë Henrik Hoxhajt dhe Klevis Allës, duke filluar një bashkëpunim të ri me Erjon Alibejn dhe Skerdi Tasen. Vendimi është marrë pasi hetuesit janë bindur se në dëshminë e tyre, ata kanë dhënë rrethana të pavërteta që nuk përputheshin me hetimin, duke fshehur qëllimisht emra dhe ngjarje të tjera kriminale. Klevis Alla në 5 deklarime që ka dhënë para prokurorëve të Durrësit dhe së fundi në SPAK, ka gënjyer duke treguar emra të personave të tjerë, për ngjarjen e vrasjes së vëllezërve Besmir dhe Viktor Haxhiaj në Durrës dhe dy shokëve Dorjan Shkoza dhe Anxhelo Avdia. Të penduarit e ri të drejtësisë tashmë janë vrasësi me pagesë Skerdi Tasi dhe Erjon Alibej nga Elbasani, që ka urdhëruar dhe financuar disa vrasje. Prej disa kohësh Alibej kishte pranuar të fliste për SPAK, duke treguar krimet tek të cilat jo vetëm që ishte implikuar direkt, por dhe ato që kishte dijeni. Tashmë ai është marrë në mbrojtje të SPAK. Njëherësh në skemën e mbrojtjes dhe trajtimit të veçantë, ka hyrë i arrestuari Skerdi Tasi, i cili në rëfimin e tij, ka pranuar implikimin në disa vrasje, por njëherësh ka treguar dhe krime të tjera të ndodhura në Elbasan, Tiranë dhe Fier. Së fundi Tase tregoi në SPAK dy tentative vrasje të dështuara ndaj shtetasit Aredin Behari, sulme me armë këto që ishin paguar nga Albert Pashaj, ndërsa pjesëmarës ishte vetë Tase dhe Henrik Hoxhaj. Dosja “Plumbi I Artë” është një nga ccështjet më të rëndësishme që ndodhet në SPAK. Në 18 Gusht, është afati përfundimtar i mbylljes së hetimeve dhe pritet që ccështja me 32 të pandehur të kalojë për shqyrtim gjyqësor. Nga 32 të pandehur janë arrestuar deri më tani 20 prej tyre, ndërsa 12 vijojnë të jenë në arrati, pas dëshmisë së Nuredin Dumanit, që ccoi në zbardhjen e ngjarjeve më të bujshme të 10 viteve të fundit në trekëndëshin Tiranë-Durrës-Elbasan. Top News është televizion informativ, i hapur në shkurt të vitit 2007. I konceptuar si format news, prioritet i saj është informimi i publikut përmes lajmit të fundit. Lidhje live për politikën, aktualitetin, kronikën, ekonominë, rajonin, botën, sportin, teknologjinë dhe show biz-in. “ Informohu i pari” , slogani për 24 orë lajme . Sjellim ndryshe realitetin mediatik në Shqipëri, ofrojmë një burim informacioni të saktë, të shpejtë, të besueshëm dhe të thelluar. Për më shumë vizitoni: http://top-channel.tv/ Subscribe to "Top Channel" on YouTube Channel for NEWS and TV Shows HERE: http://bit.ly/2Y15KwK For more content from click HERE: www.top-channel.tv Like Top Channel on Facebook HERE: http://bit.ly/2FglWTs Follow Top Channel on Instagram HERE: http://bit.ly/2uaYG2U Follow Top Channel on Twitter HERE: http://bit.ly/2TJndeH #TopNews#SPAK#TopChannel