Urdhërarreste për Shehun, Jaupajn, Birçen e Shtufin/ Hetimi i lidhur me Zvërnecin, kullat në Tiranë

Gazetari Arsen Rusta ka dhënë detaje të reja në lidhje me operacionin e SPAK ku janë të përfshirë biznesmenët Artur Shehu, Orest Sota, Edmond Jaupaj, Orges Birçe dhe Ilir Shtufi. Mësohet se GJKKO ka lëshuar 10 urdhërarreste, janë kryer 6 sekuestro dhe po ashtu janë nxjerrë disa mandate kontrolle. Deri më tani, Rusta bën me dije se janë ekzekutuar vetëm 3 urdhër arreste dhe se hetimi i lidhur pjesërisht me Zvërnecin, kullat në kryeqytet, resortet në jug si dhe pastrimin e parave të drogës ka nisur nga një hetim kryesisht nga prokuroria, i nisur dhe nga një informacion i autoriteteve italiane për organizimin në Aruba.