طعم الحاجات مع عمر طاهر | الحلقة الأولي الطعمية "طعامة طعام العامة"

طعم الحاجات مع عمر طاهر | الحلقة الأولي الطعمية "طعامة طعام العامة" نبدأ الحدوتة مع حكاية "طعامة طعام العامة" مع عمر طاهر بيتقال سموها طعمية عشان طعمة وبيتقال ده تحريف اسمها الأصلي طعام العامة في النهاية.. احنا بنتعامل باختصار غير مخل مع طعامة طعام العامة هيرودوت قال ان كهنة الفراعنة كانوا بيعتبروا الفول طعام مكروه ومنعوا أكله شخص ما عبقري دور على صيغة يخبي فيها الفول معشوق المصريين قال نعجنه العجينة السحرية اللي القرص منها بـ50 قرش فيها بروتين .. فيتامينات دهون وأوميجا 3 معلقة نشا علشان تقرمش كزبرة ناشفة علشان تروش تطلع من الزيت على رغيف العيش البلدي فاتبتدي فطار يسيب أثر شبه أول يوم في المدرسة بهجة.. مع شعور خفيف بالمسئولية أكلة مرنة بترحب بشريحة الطماطم على سبيل الترطيب حتة جبنة اسطنبولي على سبيل المزازة ومعلقة الطحينة السحرية اللي بتشرب الزيت وتخبيه وتسهل إجراءات المضغ والبلع القرص السخن بيلسوع في الروح زي كمانجات ياسر عبدالرحمن والكزبرة الخضراء السنيد أبو دم خفيف اللي بيبروز حلاوة البطل أخت كبيرة على حسها بيترص البطاطس والباذنجان والقرنبيط ومن غيرها تحس انهم يتامى في الفاترينا القرص منها في رغيف فينو ظريف زي عبدالمنعم ابراهيم لما كان عامل سكر هانم وفي رغيف شامي دمه خفيف زي علاء ولي الدين لما كان عامل مملوكي بس هي تمامها الرغيف البلدي قرص طعمية سخن جوا لقمة بلدي شبه ماهر وبطة وهما بيعترفوا لبعضهم بمشاعرهم في مركب جوا النيل الطعمية معجزتها في الشبع بس شبع له مشاعر الأكلة الوحيدة اللي أثرها مليان مودة شبه وقفة أمهاتنا مع جيرانهم على السلم من بين كل روائح القلية هي صاحبة الكاريزما اللي ممكن تخليك تغير اتجاهك علشان تلحق قرصين سخنين ريحة اتربت وكبرت في شوارع حرشة زيها حبيبة الكل قصاد الطاسة بتتمد في نفس اللحظة وجنب بعض إيد فيها الساعة اللي بتلمع والدبلة الدهب جنب إيد عليها بواقي المونة والنقاشة أكلة متقشفة بس عظيمة الأصل زي عسكري مصري فوق بارليف في 73 أكلة عديمة الزيطة بس الفطار من غيرها عامل زي كرسي القصبجي الفاضي ورا أم كلثوم #طعم الحاجات #عمر طاهر #الطعمية #zest #yallazest #زست لا تنسوا لايك للفيديو واشترك في قناتنا لمشاهدتنا كل وصفاتنا:    / @yallazest   اتفرج على وصفات أكتر من هنا:    • طعم الحاجات مع عمر طاهر   :Follow Zest on Social Media ___________________________________ Facebook:   / yallazest   Instagram:   / yallazest   TikTok:   / yallazest   Website: https://www.yallazest.com Threads: https://www.threads.net/@yallazest