#ഇതാണ് പൂന്തുറ തീരം# ഏതു നിമിഷവും കടലെടുക്കാവുന്ന പൂന്തുറ തീരഗ്രാമം.

#poonthura#പൂന്തുറ#Frbibinson #nauticaltimeskerala ഇതാണ് പൂന്തുറ തീരം... നോട്ടിക്കല്‍ ടൈംസ് കേരള. ഇതാണ് പൂന്തുറ തീരം കടലിനും പാര്‍വതീപുത്തനാറിനും മധ്യേ നേര്‍ രേഖപോലെ നീണ്ടുകിടക്കുന്ന തീരഭൂമി.കടലിനും പുത്തനാറിനും തമ്മിലുള്ള അകലം നൂറുമീറ്ററില്‍ താഴെയാണ് പല ഇടങ്ങളിലും.വര്‍ഷത്തില്‍ ഒന്‍പതുമാസവും കടലാക്രമണ ഭീഷണിയും,പിന്നെ ഇടക്കിടെ വരുന്ന ന്യുനമര്‍ദ്ദത്തിന്റെ തിരത്തള്ളലും പുന്തുറയെ എപ്പോഴും ഭീതിയുടെ മുള്‍മുനയില്‍ നിര്‍ത്തുന്നു.ഓരോ വര്‍ഷവും കടല്‍ പതുക്കെ പതുക്കെ കരയിലേക്ക് കയറുന്നു.പുന്തുറ പള്ളിയില്‍ നിന്നു തുടങ്ങുന്ന തീരദേശ ചെമ്മണ്‍ പാതക്കിരുപുറവുമായി താമസിക്കുന്നത് ആയിരത്തഞ്ഞൂറിലധികം കുടുംബങ്ങള്‍.തിരുവനന്തപുരം ലത്തീന്‍ അതിരൂപതയിലുള്ള പുന്തുറ ഇടവകയുടെ കീഴില്‍ അധിവസിക്കുന്നത് നാലായിരത്തോളം കുടുംബങ്ങള്‍.തീരത്തനപ്പുറത്താണ് ബാക്കിയുള്ളവര്‍.എല്ലാവരും ചേര്‍ന്ന് ഇരുപതിനായിരത്തില്‍പ്പരം വരും. കടലാക്രമണത്തില്‍ തീരവും പാര്‍വ്വതീപുത്തനാറും ഒന്നാവുന്ന കാലം വിദൂരമല്ലന്ന് പൂന്തുറ പള്ളി വികാരി ഫാദര്‍ ബിബിന്‍സണ്‍ പറയുന്നു.രണ്ടും മൂന്നും കുടുംമ്പങ്ങള്‍ ഒന്നിച്ചാണ് ഓരോവീട്ടിലും പാര്‍ക്കുന്നത്.നാളെ എന്തന്നറിയാതെ..അതിനെക്കുറിച്ച്... പൂന്തുറയുടെ ആശങ്കകളെക്കുറിച്ച്.. പൂന്തുറ ഇടവകവികാരി ഫാദര്‍.ബിബിന്‍സണ്‍ നോട്ടിക്കല്‍ ടൈംസ് കേരള യോട് സംസാരിച്ചു. പൂന്തുറയിലെ വള്ളങ്ങളാണ് തിരവനന്തപുരത്തെ ജനവിഭാഗത്തിന് ശുദ്ധമായ മീനൂട്ടുന്നതില്‍ മുഖ്യപങ്കുവഹിക്കുന്നത്.ദിനം തോറും നല്ല മല്‍സ്യവുമായി നഗരത്തിലെയും പ്രന്ത പ്രദേശങ്ങളിലെയും മാര്‍ക്കറ്റുകളിലേക്കും,വീടുകളിലേക്കും നാനൂറിലധികം മല്‍സ്യത്തൊഴിലാളിസ്ത്രീകള്‍ ഇവിടുന്ന് മല്‍സ്യവിപണനത്തിനായി പോകുന്നുണ്ട്. കാറ്റും കോളും ഇവര്‍ക്ക് മല്‍സ്യബന്ധനത്തിന് തടസ്സമില്ല.ഒറ്റപ്പെട്ടു പോകുന്ന കടലില്‍ ദിവസങ്ങളോളം പിടിച്ചു നില്‍ക്കുവാനുള്ള ഉള്‍ക്കരുത്ത് ഇവര്‍ക്ക് സ്വന്തം.ഓഖി ദുരന്തത്തില്‍ ഇത് തെളിയിക്കപ്പെട്ടിട്ടുള്ള നിരവധി മല്‍സ്യത്തൊഴിലാളികള്‍ പൂന്തുറയിലുണ്ട്.മതസൗഹാര്‍ദ്ദം മുഖമുദ്രയാക്കിയ ഇവിടുത്തെ മല്‍സ്യത്തൊഴിലാളികള്‍ സീസണ്‍ കാലത്ത് വിഴിഞ്ഞത്ത് ഒരേ തീരത്തിലാണ് അടുക്കുന്നതും തങ്ങുന്നതും.കടലപകടങ്ങളില്‍ ഇവര്‍ പരസ്പരം സഹായിക്കുന്നു.കോവിഡ് കാലത്ത് കുമരിച്ചന്തയില്‍നിന്നുള്ള തമിഴ്‌നാട്ടിലെ വ്യാപാരിയില്‍നിന്നും പടര്‍ന്ന കോവിഡ് പുന്തുറ തീരമേഖലെയേക്കാള്‍ എത്തിയത് കുമരിച്ചന്തയോട് തൊട്ടുകിടക്കുന്ന പ്രദേശങ്ങളിലാണ്.മാധ്യമങ്ങളിലും,പ്രചരണങ്ങളിലും ഫോക്കസ് പൂന്തുറ മാത്രമായപ്പോള്‍ തീരമേഖലയിലാകെ അമ്പരപ്പുണ്ടായി.ഇപ്പോഴതുമാറി..ഇങ്ങെനെ വന്ന അവഗണനയും വിവേചനവും അവരുടെ മനസ്സിനെ വേദനിപ്പിച്ചിട്ടുണ്ടാവും..പൂന്തുറ തീരത്തെ അറിയുവാന്‍ ഈ വീഡിയോ കാണുകയും പരമാവധി ഷെയര്‍ ചെയ്യുകയും വേണം..